‘शाहूवाडी’तील पाटणे येथे वृद्धाचा चुलतभावाकडून खून

मलकापूर (प्रतिनिधी) : किरकोळ कारणावरून वृद्ध चुलतभावाचा डोक्यात लोखंडी खोरे घालून खून केल्याचा प्रकार शाहूवाडी तालुक्यातील पाटणे या गावामध्ये आज (शुक्रवार) घडला. दामू महिपती पाटील (वय ७२) असे मृत वृद्धाचे नाव असून त्यांचा चुलतभाऊ संशयित गुंगा पांडुरंग पाटील (वय ७०) हा फरारी झाला आहे. गुंगा पाटील याने दामू यांचा मुलगा श्रीपती यालाही जखमी केले आहे. या प्रकारची नोंद शाहूवाडी पोलिसांत झाली आहे.  

आज सकाळी  श्रीपती दामू पाटील (वय ४२, रा. पाटणे) हे  मल्हार गल्लीतील कच्या रस्त्याने आपल्या शेताकडे औत घेऊन चालले होते. यावेळी आरोपी आणि चुलतकाका गुंगा पाटील हा ‘बैल अंगावर घालतो काय?  तूला मस्ती आली आहे का?  असे म्हणून अश्लील शिवीगाळ करू लागला.  गुंगाने आपला चुलत पुतण्या श्रीपती पाटील यांच्या अंगावर हातातील लोखंडी खोरे व विळ्याने मारून त्यास जखमी केले.  भांडणे सोडवण्यासाठी आलेले श्रीपतीचे वडील दामू महिपती पाटील यांच्या डोक्यात लोखंडी खोरे घालून निर्घृण खून करून घटनास्थळावरून पोबारा केला. याबाबतची फिर्याद श्रीपती दामू पाटील यांनी शाहूवाडी पोलिसात दिली आहे.

घटनेची माहिती मिळताच स. पो. नि. भालचंद्र देशमुख यांनी सहकार्‍यांसह घटनास्थळी येऊन पंचनामा केला. गुंगा  पाटील यांचा शोध घेण्यासाठी तीन पोलिस पथके परिसरात रवाना झाली आहेत. घटनास्थळी शाहूवाडी – पन्हाळा  ग्रामीण  उपविभागाचे पोलिस उपअधिक्षक  आर. आर. पाटील यांनीही भेट दिली

168 total views, 3 views today

Leave a Reply

Your email address will not be published. Required fields are marked *

News Flash

देश-विदेश

 

क्रीडा

Follow by Email
Facebook
YouTube
YouTube
Instagram