कळे (प्रतिनिधी) : कोल्हापूर-गगनबावडा मार्गावर वाकरे फाटा येथे दुचाकीवरून जाणाऱ्या महिलेची अज्ञात वाहनाला धडक झाली. या अपघातात महिलेच्या डोक्याला जबर मार लागल्याने ती जागीच ठार झाली. वैशाली महादेव मोरे (वय ३४, रा. तिसंगीपैकी बालेवाडी ता. गगनबावडा) असे तिचे नाव आहे. आज (सोमवार) सायंकाळच्या सुमारास हा अपघात घडला.

घटनास्थळावरून मिळालेल्या माहितीनुसार, वैशाली मोरे या अंगणवाडीमध्ये मदतनीस म्हणून काम करतात. आज कामानिमित्त त्या कोल्हापूरला आल्या होत्या. काम आटोपून गावाकडे जाताना वाकरे फाटा येथे आल्या असता त्यांना अज्ञात वाहनाची धडक बसली. यामध्ये त्या रस्त्यावर आपटल्या आणि त्यांच्या डोक्याला जबर मार लागला. यावेळी नागरिकांनी ॲम्बुलन्समधून त्यांना सीपीआर रूग्णालयात उपचारासाठी  पाठवले. मात्र, उपचारापूर्वीच त्यांचे निधन झाल्याचे सांगण्यात आले,