Breaking News

 

 

राजीव गांधींवरील मोदींच्या ‘त्या’ आरोपाचे नौदल अधिकाऱ्यांकडून खंडन

नवी दिल्ली (वृत्तसंस्था) : माजी पंतप्रधान राजीव गांधी यांनी ‘आयएनएस विराट’ या युद्धनौकेचा वापर सुट्टी घालविण्यासाठी केला, असा आरोप पंतप्रधान नरेंद्र मोदी यांनी बुधवारी केला होता. या आरोपात तथ्य नसल्याचे नौदलाचे निवृत्त अधिकारी अॅडमिरल एल. रामदास यांनी सांगितले आहे. एल. रामदास यांनी एका पत्रकाद्वारे तपशीलवार माहिती देत मोदींचा दावा फेटाळून लावला आहे. आयएनएस विराटवर सेवा बजावणाऱ्या नौदलाच्या अन्य वरिष्ठ अधिकाऱ्यांकडील माहिती घेऊन त्याआधारे रामदास यांनी हे पत्रक जारी केले आहे.

नौदलाचे तत्कालीन कॅप्टन आणि निवृत्त व्हाईस अॅडमिरल विनोद पसरिचा, अॅडमिरल अरूण प्रकाश, आणि व्हाईस अॅडमिरल मदनजीत सिंह यांच्याकडून मिळालेल्या माहितीच्या आधारे रामदास यांनी मोदींचा दावा खोडून काढला आहे. ३२ वर्षापूर्वी झालेला घटनाक्रम त्यांनी पत्रकात नमूद केला आहे.

रामदास यांनी पत्रकात म्हटले आहे की, राजीव गांधी यांच्या त्या अधिकृत शासकीय दौऱ्यात त्यांच्या पत्नीशिवाय कुटुंबातील अन्य सदस्य नव्हते. त्यावेळी खबरदारी म्हणून राजीव गांधी आणि त्यांच्या पत्नीसाठी एका हेलिकॉप्टरची सोय करण्यात आली होती. ‘लक्षद्वीप बेटावर मोदी यांनी खासगी दौऱ्यासाठी १० दिवसांसाठी विराट युद्धनौकेचा वापर केला होता.’ या प्रसारमाध्यमांमध्ये प्रसिद्ध झालेल्या बातमीच्या आधारे पंतप्रधान नरेंद्र मोदी यांनी राजीव गांधी यांच्यावर आरोप केले असतील, अशी शक्यता एल. रामदास यांनी व्यक्त केली आहे.

150 total views, 3 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा

गुन्हे