गगनबावडा (प्रतिनिधी) : माजी पालकमंत्री सतेज पाटील यांच्या निधीतून मंजूर झालेल्या शेळोशी, ता. गगनबावडा येथील महादेव मंदिर शेजारी सांस्कृतिक सभागृहाचे भूमिपूजन करण्यात आले. लोकनियुक्त सरपंच प्रकाश पाटील हे अध्यक्षस्थानी होते.
आमदार सतेज पाटील यांच्या नेतृत्वाखाली शेळोशी ग्रा.पं.च्या पातळीवर राबविण्यात आलेल्या विकासकामांचा आढावा यावेळी घेण्यात आला. शिक्षण, रस्ते, पाणी, वीज यांची पूर्तता करण्यासाठी वेळोवेळी पाठपुरावा होत असल्याने येथील जनजीवन सुरळीत होत असल्याचे महेश पालव यांनी सांगितले.
सरपंच प्रकाश पाटील, युवानेते एस. के. पाटील, शिक्षक पतसंस्थेचे माजी चेअरमन व सेवानिवृत्त मुख्याध्यापक गणपती पालव, युवा नेते दशरथ पाटील यांच्या हस्ते भूमिपूजन करण्यात आले. विकास सेवा संस्थेचे सचिव सदाशिव पालव, के. डी. पाटील, अजय पाटील, गुंडू पाटील, महादेव पालव, नामदेव पाटील, शामराव पाटील उपस्थित होते.
