Breaking News

 

 

केदारनाथ मंदिराचे दरवाजे सहा महिन्यांनी उघडले ! : भाविकांकडून ‘बम बम भोले’चा जयघोष

डेहराडून (वृत्तसंस्था) : असंख्य भाविकांचे श्रद्धास्थान मानले गेलेल्या उत्तराखंडमधील केदारनाथ मंदिराचा दरवाजा तब्बल सहा महिन्यांनी आज (गुरुवार) पहाटे उघडण्यात आला आहे. वैदिक मंत्रोच्चाराच्या गजरात पहाटे ५ वाजून ३३ मिनिटांनी जेव्हा मंदिराचे दरवाजे उघडण्यात आले, तेव्हा हजारो भक्तांनी ‘हर-हर महादेव, बम बम भोले’च्या जयघोष केले. पहिलाच दिवस असल्याने दर्शनासाठी मोठी गर्दी उसळली.

मंदिराचे दरवाजे उघडण्याअगोदर मंदिराचे मुख्य पुजारी रावल भीमाशंकर लिंग यांनी वैदिक मंत्रोच्चाराच्या गजरात विधिवत पूजा अर्चा केली. हजारो भक्तांच्या उपस्थितीत केदारनाथाला जलाभिषेक तसेच रुद्राभिषेक करण्यात आला. राज्य सरकारकडून केदारनाथ मंदिराचे प्रवेशद्वार सजवण्यात आले आहे. राज्यपाल बेबी रानी मौर्य, माजी मुख्यमंत्री रमेश पोखरियाल निशंक यांनीही पहिल्याच दिवशी केदारनाथाचे दर्शन घेतले. यावेळी देश – विदेशातील जवळपास अडीच हजार भाविक उपस्थित होते. या सोहळ्यादरम्यान  परिसरात कडेकोट बंदोबस्त ठेवण्यात आला होता.

468 total views, 6 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा