नवी दिल्ली (वृत्तसंस्था) : पाकिस्ताने दक्षिण अफ्रिकेचा पराभव केल्याने आता उपांत्य फेरीचे तिकीट कोणाला मिळणार, याकडे सर्वांचे लक्ष लागले आहे. अशातच आता पाकिस्तानी अभिनेत्रीच्या एका ट्विटने मोठी खळबळ उडाल्याचे पाहायला मिळत आहे.
गुरुवारच्या सामन्यात पावसाने पाकिस्तानला साथ दिल्याने डकवर्थ लुईस नियमामुळे पाकिस्तानचे काम सोप झाले. त्यामुळे पाकिस्तानला आता उपांत्य फेरीच्या रेसमध्ये कायम राहिला आहे. अशातच पाकिस्तानी अभिनेत्री सेहर शिनवारीने केलेले ट्विट सोशल मीडियावर प्रचंड व्हायरल होत आहे. भारत विरुद्ध झिम्बाब्वे सामन्याबाबत तिने मोठे वक्तव्य केले आहे. ‘जर आगामी सामन्यात झिम्बाब्वेने भारताला हरवले, तर मी झिम्बाब्वेच्या मुलासोबत लग्न करेन’, असे सेहर शिनवारी म्हणाली आणि जर भारत जिंकला तर मी ट्विटर डिलीट करेन, असेही ती म्हणाली आहे. अभिनेत्री सेहर शिनवारी ही अनेकदा वादग्रस्त वक्तव्यामुळे चर्चेत असते. त्यामुळे नेटकरी देखील तिची खिल्ली उडवतात दिसत आहेत.
सेहर शिनवारीचा जन्म पाकिस्तानातील हैदराबाद शहरात झाला. ती कोहाट भागातील शिनवारी समाजाची असून, तिने २०१४ साली ‘शेर सवा शेर’ या कॉमेडी मालिकेतून आपल्या अभिनय कारकिर्दीला सुरुवात केली. शिनवारीचे कुटुंब तिच्या अभिनय कारकिर्दीच्या विरोधात असले तरी तिने हार मानली नाही आणि पाकिस्तानच्या मनोरंजन विश्वात खूप नाव कमावले आहे. याशिवाय ती अनेकदा सोशल मीडियावर तिच्या वायफळ बडबडीमुळे चर्चेत असते.
