‘सीबीएसई’चा दहावीचा निकाल ९१ टक्के ; मुलांच्या तुलनेत मुलीच हुश्शार !

नवी दिल्ली (वृत्तसंस्था) : केंद्रीय माध्यमिक शिक्षण मंडळातर्फे घेण्यात आलेल्या सीबीएसई दहावीच्या परीक्षेचा निकाल जाहीर करण्यात आला आहे. गतवर्षीच्या तुलनेत यंदाच्या वर्षी पास होण्याचे प्रमाण ४.४० टक्क्यांनी वाढले आहे. यंदा दहावीचा निकाल ९१.१ टक्के लागला आहे. बारावीप्रमाणे दहावीच्या निकालात मुलांपेक्षा मुलींच्या उत्तीर्ण होण्याचे प्रमाण अधिक आहे.

पास होण्याचे प्रमाण दरवर्षी कमी होण्याची २०१४ पासूनची प्रथा यंदा खंडित झाली आहे. २०१७ मध्ये यंदाच्या ९१.१ टक्क्यांच्या तुलनेत जास्त म्हणजे ९३.०६ टक्के इतके विद्यार्थी उत्तीर्ण झाले होते. यंदाच्या वर्षी निकालात ९९.८५ टक्केंसह त्रिवेंद्रम विभागाने बाजी मारली आहे.

चेन्नई विभागाचा निकाल ९९ टक्के लागला असून हा विभाग दुसऱ्या क्रमांकावर आहे. तर ९५.८९ टक्क्यांसह अजमेर तिसऱ्या क्रमांकावर आहे. यंदा निकालात मुलींनी बाजी मारली. मुलांच्या तुलनेत उत्तीर्ण झालेल्या मुलींचे प्रमाण २.३१ टक्क्यांनी जास्त आहे. यंदा, इयत्ता १० वीमध्ये एकूण १३ विद्यार्थ्यांनी ५०० पैकी ४९९ गुण मिळवून संयुक्तरित्या अव्वल स्थान प्राप्त केले आहे. तर, २४ विद्यार्थ्यांनी ५०० पैकी ४९८ गुण मिळवले आहेत.

228 total views, 3 views today

Leave a Reply

Your email address will not be published. Required fields are marked *

News Flash

देश-विदेश

 

क्रीडा

Follow by Email
Facebook
YouTube
YouTube
Instagram