Breaking News

 

 

मॉस्कोत लॅंडिंग करताना विमानाला आग ; ४१ प्रवाशांचा मृत्यू

मॉस्को (वृत्तसंस्था) : रशियाची राजधानी मॉस्कोमधील शिरीमीमेटयेवो विमानतळावर प्रवासी विमानाला इमर्जन्सी लॅंडिंग करताना अचानक आग लागली. या आगीत विमानातील ४१ जणांचा मृत्यू झाला. याप्रसंगी प्रवाशांना लगेच बाहेर काढता आले नसल्याने यातच त्यांचा मृत्यू झाला असल्याचे वृत्त आहे.

अपघातग्रस्त विमान एअरोफ्लोट एअरलाइन्स कंपनीचे होते. मॉस्कोवरुन या विमानाने रशियाच्या म्युरमॅनस्क शहरासाठी उड्डाण केले होते. मात्र, त्याचवेळी विमानात काही तांत्रिक बिघाड असल्याचे लक्षात आले. त्यानंतर उड्डाण केलेले विमान तात्काळ माघारी बोलविण्यात आले. यावेळी विमानतळावर लँडिंग करत असताना विमानाच्या मागच्या बाजूने अचानक आग लागल्याने ही दुर्घटना घडली.

रशियाच्या तपास समितीच्या प्रवक्त्याने दिलेल्या माहितीनुसार, या विमानात ७३ प्रवाशांसह ५ क्रू मेंबर होते. ७८ पैकी ३७ प्रवासी या भीषण दुर्घटनेतून बचावले आहेत.  विमानाला मागील बाजूस आग लागली असली तरी नेमकी कशामुळे ही आग लागली त्याचे कारण अद्याप स्पष्ट झालेले नाही. या विमान अपघाताची चौकशी करण्यात येणार आहे. त्यादृष्टीनेही एक समिती तपास करणार असल्याचे त्यांनी सांगितले.

480 total views, 3 views today

Leave a Reply

Your email address will not be published. Required fields are marked *

अर्थ - उद्योग

आरोग्य

 

क्रीडा

गुन्हे