Breaking News

 

 

‘मी पाकिटातून जाहीरनामा पाठवते, ‘ते’ पैसे पाठवताहेत…’

अमेठी (वृत्तसंस्था) : ‘भाजपवाले काँग्रेसच्या विरोधात केवळ चुकीचा प्रचारच करत नसून ते गावच्या प्रमुखांना पैशांची पाकिटंही पाठवत आहेत,’ असा गंभीर आरोप आज (शनिवार) उतार प्रदेशच्या काँग्रेस सरचिटणीस प्रियांका गांधी यांनी केला आहे. अमेठीतील गावकऱ्यांना मी काँग्रेसचा जाहीरनामा लिफाफ्यातून पाठवतेय. तर, भाजपवाले सरपंचांना २० हजार रुपये पाठवताहेत. त्यांना असे वाटते की पैशाच्या जोरावर मते विकत घेता येतील. मात्र त्यांचा हा भ्रम आहे, अशीही त्यांनी टीका केली.

अमेठीतून भाजपच्या नेत्या व केंद्रीय मंत्री स्मृती इराणी यांनी राहुल गांधी यांना पुन्हा आव्हान दिलं आहे. गांधी घराण्याचा हा बालेकिल्ला जिंकायचाच या निश्चयानं भाजपनं इथं प्रचार सुरू केला आहे. गांधी कुटुंबासाठी प्रतिष्ठेच्या असलेल्या या मतदारसंघात प्रियांका गांधी काँग्रेसच्या प्रचाराची धुरा सांभाळत आहेत. भाजपच्या प्रचाराला सडेतोड प्रत्युत्तर देण्याचा त्यांचा प्रयत्न आहे. 

अमेठीत आज झालेल्या सभेत प्रियांकांनी पुन्हा एकदा भाजपवर टीकास्त्र सोडले. ‘अमेठीत अत्यंत चुकीच्या पद्धतीनं प्रचार सुरू आहे. पैसे वाटप होत आहे. अमेठीतील गावकऱ्यांना मी काँग्रेसचा जाहीरनामा लिफाफ्यातून पाठवतेय. तर, भाजपवाले २० हजार रुपये पाठवताहेत. अमेठीतले सरपंच २० हजार रुपयांमध्ये विकले जातील असं भाजपवाल्यांना वाटतं हे हास्यास्पद आहे,’ अशा शब्दांत त्यांनी भाजपची खिल्ली उडवली.

प्रियांकांना राष्ट्रीय बाल संरक्षण आयोगाची नोटीस 

पंतप्रधान नरेंद्र मोदी यांच्या विरोधात घोषणा देण्यासाठी मुलांना प्रोत्साहन दिल्याच्या कथित प्रकरणात राष्ट्रीय बाल संरक्षण आयोगानं प्रियांकांना नोटीस बजावली आहे. अर्थात, प्रियांकांनी हे आरोप फेटाळले आहेत. मी मुलांना चुकीच्या घोषणा देण्यापासून थांबवत होते, असं त्यांनी म्हटलं आहे.

360 total views, 3 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा