Breaking News

 

 

जि. प.च्या महिला समुपदेशन केंद्राने रूळावर आणली दीडशेंवर संसारांची गाडी !

कोल्हापूर (सुरेश पाटील) : महिलांना विविध प्रकारच्या अत्याचारांना सामोरे जावे लागते. खासकरून विवाहित महिलांना विविध प्रकारचा छळ सहन करावा लागतो. कधी कधी पती-पत्नीमधील वाद इतके विकोपाला जातात की त्याची परिणती घटस्फोटामध्ये होते. हे प्रकार वाढीस लागले असून कुटुंबसंस्थेला धोका निर्माण झाला आहे. हे ओळखून पन्हाळा तालुक्यातील पोर्ले तर्फ बोरगाव येथील स्वयंप्रेरिका ग्रामीण महिला संस्था (स्वग्राम) या संस्थेच्या सहकार्याने जिल्हा परिषदेने आपल्या आवारामध्ये महिला समुपदेशन केंद्राची सुरुवात केली आहे. आतापर्यंत या केंद्राने सुमारे दीडशेहून अधिक संसार सावरले आहेत.

स्वयंप्रेरिका ग्रामीण महिला संस्था अर्थात स्वग्राम या संस्थेच्या माध्यमातून आणि महाराष्ट्र राज्य महिला आयोगाच्या मान्यतेने महिला समुपदेशन केंद्राची निर्मिती जिल्हा परिषदेमध्ये करण्यात आली आहे. महिलांवर शारीरिक, मानसिक असे अनेक प्रकारचे अत्याचार होतात. त्यांची आर्थिक पिळवणूक होते. हे अत्याचार रोखणे, त्यांना न्याय मिळवून देणे हे काम या केंद्रातर्फे केले जाते. त्याचबरोबर कौटुंबिक हिंसाचार. चारित्र्याचा संशय, हुंड्यावरून जाच, व्यसनी नवऱ्याकडून दिला जाणारा त्रास,  अनैतिक संबंध, पती-पत्नीमध्ये भांडण अशा समस्यांवर तोडगा काढण्याचा या केंद्राकडून प्रयत्न केला जातो. तसेच मोफत कायदेशीर सल्ला दिला जातो.

या केंद्राने अथक प्रयत्न करून त्यामुळे अनेकांच्या संसारामध्ये गोडवा फुलवला आहे. १ मे २०१४ सून ते ३ मे २०१९ या कालावधीत जिल्हा परिषदेच्या समुपदेशन केंद्रामध्ये १६१ केस दाखल झाल्या होत्या. त्यापैकी १५२ केस निकालात काढण्यात आल्या आहेत. त्याचबरोबर जिल्ह्यांमध्ये भुदरगड, कागल, राधानगरी, पन्हाळा, गडहिंग्लज, हातकणंगले, शिरोळ या ठिकाणी पंचायत समितीच्या माध्यमातून सुरू असलेल्या समुपदेशन केंद्रामध्ये दाखल झालेल्या केसेसपैकी ९८ टक्के केसेस निकालात काढण्यात आल्या आहेत.

या समुपदेशन केंद्राचे विधी सल्लागार म्हणून अॅड. शाहू काटकर, तर समुपदेशक म्हणून कल्याणी निंबाळकर काम पाहात आहेत.

471 total views, 3 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा

गुन्हे