Breaking News

 

 

मुंबई ट्वेंटी-२० लीग : अर्जुन तेंडुलकरसाठी आकाश टायगर्सने मोजले ५ लाख !

मुंबई (प्रतिनिधी) : महान फलंदाज सचिन तेंडुलकरचा मुलगा अर्जुन पुन्हा चर्चेत आला आहे. मुंबई ट्वेंटी-२० लीगच्या दुसऱ्या सत्रासाठी होणाऱ्या लिलावात त्याने वरिष्ठ गटात प्रवेश केला आहे. आज (शनिवार) मुंबई ट्वेंटी-२० लीगसाठी झालेल्या लिलावात अर्जुनला आकाश टायगर्स (एमडब्लूएस)  संघाने चमूत घेतले. अर्जुनसाठी आकाश टायगर्स संघाने ५ लाख रुपये मोजले आहेत. 

अर्जुनने गेल्या वर्षी श्रीलंकेविरुद्धच्या कसोटी मालिकेत भारताच्या संघाचे प्रतिनिधीत्व केले होते. त्यात त्याने तीन विकेट्स घेतल्या होत्या आणि दोन डावांत त्याला केवळ १४ धावा करता आल्या होत्या. मात्र, डॉ. डी वाय पाटील ट्वेंटी-२० चषक स्पर्धेत त्याने उल्लेखनीय कामगिरी केली. याच कामगिरीमुळे त्याला मुंबईच्या २३ वर्षांखालील संघात सामील करून घेण्यात आले आहे. गत महिन्यात त्याने एका स्थानिक वन डे सामन्यात २३ वर्षांखालील संघाचे प्रतिनिधीत्वही केले होते.

मुंबई क्रिकेट असोसिएशनच्या मान्यतेने 2018 पासून मुंबई ट्वेंटी-20 लीगला सुरुवात झाली. पहिल्या मोसमात लीगला चांगला प्रतिसाद लाभला. या लीगमध्ये सहा संघांचा समावेश होता आणि नाईट मुंबई उत्तर पूर्व संघाला जेतेपद पटकावण्यात यश आले. आकाश टायगर्स संघात अर्जुनला आंतरराष्ट्रीय गोलंदाज धवल कुलकर्णीचे मार्गदर्शन मिळणार आहे.  

717 total views, 9 views today

Leave a Reply

Your email address will not be published. Required fields are marked *

News Flash

आरोग्य

देश-विदेश

 

क्रीडा