हातकणंगले (प्रतिनिधी) : हातकणंगले तालुक्यातील माणगाववाडी येथे हातकणंगले पोलीस ठाणे आणि राज्य उत्पादन शुल्कच्या कोल्हापूर पथकाने संयुक्त धाड टाकली. यामध्ये सुमारे २ लाख ५० हजारांचे गावठी दारू तयार करण्यासाठी आणलेले रसायन जप्त करत त्याचा नाश केला. यावेळी चारजणांवर गुन्हे नोंद केले आहेत. तर फरारी आरोपींचा शोध सुरु असल्याचे हातकणंगले पोलीस ठाण्याचे पोलीस निरीक्षक के. एन. पाटील यांनी सांगितले.
