Breaking News

 

 

विद्यापीठातील शिवपुतळ्याचे सुशोभिकरण काळ्या दगडांमध्ये करा : शिवभक्त कृती समितीची मागणी

कोल्हापूर (प्रतिनिधी) : शिवाजी विद्यापीठातील छ. शिवाजी महाराजांच्या पुतळ्याचे सुशोभिकरण काळ्या दगडांमध्ये अथवा सिमेंट काँक्रेट ब्लॉकमध्ये करण्यात यावे अशा मागणीचे निवेदन आज शिवभक्त नागरी कृती समितीच्यावतीने कुलगुरू डॉ.देवानंद शिंदे यांना देण्यात आले.

या निवेदनात म्हटले आहे की, सध्या शिवाजी विद्यापीठाच्या आवारातील छ. शिवाजी महाराजांच्या पुतळ्याभोवती रोलिंगचे काम शहाबादी आणि कडप्पा फरशीमध्ये चालू आहे. याचा आकार मोघली पद्धतीप्रमाणे दिसत असल्याने हे महाराजांच्या पुतळ्याला अशोभनीय आहे. त्यासाठी समस्त कोल्हापूरवासींतर्फे शिवभक्त नागरी कृती समितीच्यावतीने या बांधकामाला विरोध करण्यात आला आहे. पुतळ्याचे काम काळ्या दगडांमध्ये किंवा सिमेंट काँक्रेट ब्लॉकमध्ये किल्ल्याच्या बुरुजावर असणाऱ्या पाकळ्यांच्या आकारात करावे. जेणेकरून मराठी किल्ल्यांचा आकार या पुतळ्याला प्राप्त होईल असे नमूद केले आहे.

यावेळी अशोक मोरे, रमेश मोरे, रणजीत मंडलिक, मदन चोडणकर, चंद्रमोहन पाटील, पार्थ मुंडे, दिपक थोरात, रुपेश रोडे, रामभाऊ कोळेकर, संभाजीराव जगदाळे आदी उपस्थित होते.

412 total views, 3 views today

Leave a Reply

Your email address will not be published. Required fields are marked *

News Flash