पन्हाळा (प्रतिनिधी) : संजीवन नॉलेज सिटी येथील छत्रपती कनिष्ठ महाविद्यालयातील इयत्ता १२ वीचा विद्यार्थी विराज शहाजी कदम यांची राज १८ वर्षांखालील राज्यस्तरीय व्हॉलीबॉल स्पर्धेसाठी निवड झाली आहे.
संजीवन पब्लिक स्कूलच्या मैदानावर कोल्हापूर जिल्हा संघात प्रथम या खेळाडूची निवड करण्यात आली. त्यानंतर राज्यस्तरीय स्पर्धेसाठी कोल्हापूर विभागीय स्पर्धा घेण्यात आल्या. या स्पर्धेत कोल्हापूर जिल्हा संघाकडून उत्कृष्ट खेळाच्या प्रदर्शनामुळे विराजची कोल्हापूर विभागीय संघात वरोरा, जि.चंद्रपूर येथील राज्यस्तरीय स्पर्धेसाठी निवड करण्यात आली. खेळाडूला संजीवनचे चेअरमन पी. आर. भोसले, सहसचिव एन. आर. भोसले, शिल्पा पाटील-सांगावकर, ‘संजीवन’चे क्रीडा विभागप्रमुख सौरभ भोसले, क्रीडा शिक्षक जयंत कुलकर्णी, प्रशिक्षक अबिद मोकाशी, कपिल खोत, नूरमहंमद नगारजी, प्रकाश जाधवर यांचे मार्गदर्शन लाभले.
