कोल्हापूर (प्रतिनिधी) : अभियांत्रिकी प्रवेश प्रक्रियेच्या पहिल्या फेरीमध्ये खासगी व स्वायत अभियांत्रिकी महाविद्यालयांमध्ये साळोखेनगर येथील ‘डीवायपी’ अभियांत्रिकी महाविद्यालयाला विद्यार्थ्यांनी सर्वाधिक पसंती दिली आहे.

राज्य तंत्रशिक्षण संचालनालयाकडून प्रथम वर्ष अभियांत्रिकीच्या पहिल्या प्रवेश फेरीची यादी जाहीर झाली असून, त्यामध्ये पश्चिम महाराष्ट्रातील ३२ अभियांत्रिकी महाविद्यालयांमध्ये ‘डीवायपी’ साळोखेनगरला चौथ्या क्रमांकाची पसंती मिळाली. महाविद्यालयाची अलॉटमेंट ८४ टक्क्यांपर्यंत पोहोचली आहे. संस्थेमध्ये प्रथम प्रवेश घेणाऱ्या सानिया प्रताप पाटील या विद्यार्थिनीचे स्वागत कॅम्पसचे संचालक डॉ. अभिजीत माने यांच्या हस्ते करण्यात आले.

डॉ.  माने म्हणाले, या वर्षी महाविद्यालयातील ३३८ विद्यार्थी विविध राष्ट्रीय व बहुराष्ट्रीय कंपन्यांमध्ये निवडले गेले. त्यांना १२.५ लाखापर्यंतचे पॅकेज मिळाले. त्यामुळेच विद्यार्थ्यांनी डीवायपी साळोखेनगरला अधिक पसंती दिली. कॉम्प्युटर सायन्स व डेटा सायन्स बरोबरच सिव्हिल व इलेक्ट्रिकललाही उत्स्फूर्त प्रतिसाद मिळाला आहे.

प्राचार्य डॉ. सुरेश माने म्हणाले, गेल्या सात वर्षांत गुणवत्तापूर्ण शिक्षण, व्यावहारिक ज्ञानाबरोबर प्रात्यक्षिकावर भर अनुभवाची जोड देऊन व्यक्तिमत्त्व विकाससाठी अभिप्रेत असलेले आधुनिक टेक्निकल शिक्षण देऊन विद्यार्थ्यांना परिपूर्ण केले जाते. यावेळी सुयोग ताटे-पाटील, प्रवीण देसाई, विभागप्रमुख डॉ. शिवलीला अर्लीमट्टी, डॉ. रष्मी जाधव, डॉ. संजीव देशपांडे व सर्व समन्वयक उपस्थित होते. संस्थेचे अध्यक्ष डॉ. संजय डी. पाटील, उपाध्यक्ष सतेज डी. पाटील, विश्वस्त आमदार ऋतुराज पाटील, तेजस पाटील यांनी सर्व विद्यार्थी व प्राध्यापकांचे अभिनंदन केले.