Breaking News

 

 

राहुल गांधींना गृहमंत्रालयाची नोटीस

नवी दिल्ली (वृत्तसंस्था) : राहुल गांधी यांना नागरिकत्वाच्या मुद्द्यावर भाजपचे नेते सुब्रह्मण्यम स्वामी यांनी दाखल केलेल्या तक्रारीनंतर गृहमंत्रालयाने नोटीस पाठवली आहे.गृहमंत्रालयाच्या या नोटीसला उत्तर देण्यासाठी राहुल गांधी यांना १५ दिवसांचा अवधी देण्यात आला आहे. यामुळे राहुल गांधी यांच्या नागरिकत्वाचा मुद्दा पुन्हा ऐरणीवर आला आहे.

अमेठीतल्या चार अपक्ष उमेदवारांनी या संदर्भात आधीच सत्र न्यायालयात धाव घेतली होती. त्यानंतर राहुल यांची उमेदवारी वैध ठरली होती. आता खासदार स्वामी यांनी पुन्हा एकदा हा मुद्दा गृहमंत्रालयात नेला आहे. आपण बॅकऑफ्स लिमिटेड कंपनीत गुंतवणूक केल्याची माहिती राहुल गांधींनी २००४ च्या निवडणूक शपथपत्रात दिली आहे. या कंपनीच्या कागदपत्रांमध्ये राहुल गांधी हे ब्रिटनचे नागरिक असल्याचा उल्लेख आहे, असा भाजपनं आरोप केला आहे.

काँग्रेस अध्यक्ष राहुल गांधी यांनी ब्रिटनचे नागरिकत्व घेतले होते. याच कारणामुळे त्यांची उमेदवारी रद्द करण्यात यावी, अशी तक्रार अमेठी लोकसभा मतदारसंघातील अपक्ष उमेदवार ध्रुव लाल यांचे वकील रवी प्रकाश यांनी रिटर्निंग अधिकाऱ्यांकडे केली होती.

­­

285 total views, 6 views today

Leave a Reply

Your email address will not be published. Required fields are marked *

News Flash

अर्थ - उद्योग

देश-विदेश