मुरगुड (प्रतिनिधी) : मुरगुड येथे आज (सोमवार) राजे विक्रमसिंह घाटगे फाऊंडेशन संचलित राजमाता जिजाऊ महिला समिती आयोजित ‘दीपावली बाजार’ची सुरुवात करण्यात आली. याचे उद्घाटन छ. शाहू सहकारी साखर कारखान्याच्या अध्यक्षा श्रीमती सुहासिनीदेवी घाटगे आणि महाराष्ट्र राज्य मार्केटिंग फेडरेशन लि. मुंबईच्या माजी संचालिका मंजुषादेवी पाटील यांच्या हस्ते करण्यात आले.
या उपक्रमाला महिला उद्योजकांनी चांगला प्रतिसाद दिला आहे. यामध्ये महिलांनी तयार केलेले दिवाळीसाठीचे खाद्यपदार्थ, कपडे, सौंदर्यप्रसाधने, ज्वेलरी, खेळणी सारख्या विविध वस्तू उपलब्ध करण्यात आल्या आहेत.