मुंबई (प्रतिनिधी) : देशातील सर्वात मोठ्या बँकांपैकी एक असलेल्या भारतीय स्टेट बँकेच्या मुख्यालयाला बॉम्बने उडवून देण्याची धमकी देण्यात आली आहे. या धमकीच्या फोनमुळे मुंबईमध्ये खळबळ उडाली असून मुंबई पोलीस सतर्क झाले असून तपासाला सुरूवात केली आहे.
मुंबईतील भारतीय स्टेट बँकेच मुख्यालय उडवून देण्याचा धमकीचा फोन आला आहे. यासंदर्भात मरिन ड्राईव्ह पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे. त्यासोबतच बँकेचे चेअरमन यांचं अपहरण करून जीवे मारण्याची धमकीही देण्यात आली आहे.
गेल्या दोन दिवसात हा धमकीचा दुसरा फोन असून ती धमकी पाकिस्तानमधून आल्याची प्राथमिक माहिती समोर आली आहे. पोलीसांनी पुढील तपास सुरू केला आहे.
