Breaking News

 

 

गडहिंग्लजचा युनायटेड फुटबॉल स्कूल केरळला रवाना…

गडहिंग्लज (प्रतिनिधी) : गडहिंग्लज युनायटेड फुटबॉल स्कूलचे १४ आणि १६ वर्षाखालील संघ अखिल भारतीय फुटबॉल स्पर्धेसाठी त्रिवेंद्रमला (केरळ) आज (रविवार) रवाना झाले. चंद्रशेखरन नायर स्टेडियमवर २९ एप्रिल ते ९ मे अखेर ही स्पर्धा होणार आहे.  इंडियन सुपर लीग (आयएसएल), इंडियन फुटबॉल लिग (आय लीग) स्पर्धा होणार आहे. यामध्ये केरळ, तामिळनाडू, दिल्ली, हैद्राबाद, कर्नाटक,मुंबईतील अव्वल संघ सहभागी होणार आहेत.

या स्पर्धेसाठी १६ आणि १४ वर्षाखालील असे दोन गट आहेत. सोळा वर्षे गटात एकूण सोळा संघ असून त्यांची चार गटात विभागणी करण्यात आली आहे. गडहिंग्लज युनायटेड स्कूलच्या गटात बलाढ्य चेन्नई सिटी एफसी, रोझरी गुजरात आणि उदया परशुर या संघांचा समावेश आहे. १४ वर्षे गटात एकूण चोवीस संघ सहभागी आहेत. या संघांचे आठ गट असून युनायटेड स्कूलच्या गटात फुटबॉल अकॅडमी पुल्लुविला आणि अस्पायर कोझिकोड यांचा समावेश आहे. लीग कम नॉक आऊट अशी ही स्पर्धा होणार आहे. प्रत्येक गटातील विजेता संघ उपांत्यपूर्व फेरीसाठी पात्र ठरेल. स्पर्धेसाठी सुमारे दोन लाख रुपयांची एकूण पारितोषके आहेत.

यावेळी दोन्ही संघातील खेळाडूंना एम.आर. हायस्कूल मैदानावर शुभेच्छा देण्यात आल्या. प्रशिक्षक दीपक कुपनावर यांनी स्वागत केले. गडहिंग्लज युनायटेडचे उपाध्यक्ष अरविंद बारदेसकर, संचालक प्रशांत दडीकर,मनीष कोले,यासीन नदाफ,ओमकार घुगरी,पविण रेदाळे ,सचिन जाधव, रविंद्र येसादे, उदय गायकवाड, ओमकार सुतार उपस्थित होते.ओमकार जाधवने आभार मानले.

१६ वर्षाखालील संघ : कुपिदर पवार, सोमनाथ नाईक, रितेश बदामे, धिरज कानडे, रजत लोहार, सोमनाथ गोंधळी, रूषीकेष बावडेकर,सुरज हनिमनाळे, सत्यम पाटील, दीपक पोवार, सिध्दार्थ दडडीकर, रोहित आडावकर, यासिन मकानदार, राहुल कुंभार,रितेश मेटल हे आहेत.

१४ वर्षाखालील संघ : हिमांशू पोवार, रितीक येसादे, अनुप बनगे, सौरभ मोहीते युवराज सकपाळ संतोष कारदगे पविण कुंभार प्रशांत सलवादे, सुमित भोसले, सुजल खवरे, सिद्धात जाधव, हशनिल रूखडे, यश खोत, सर्वेश चराटी, वाहीद मकानदार, श्रवण जाधव हे खेळाडू आहेत.

474 total views, 3 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा