Breaking News

 

 

कुलगुरु डॉ. शिंदे हटावसाठी सुटाचे धरणे आंदोलन…

कोल्हापूर (प्रतिनिधी) :  कुलगुरु डॉ. देवानंद शिंदे हटाव, शिवाजी विद्यापीठ बचाव असा नारा देत शिवाजी विद्यापीठ शिक्षक संघटना, (सुटा) च्या वतीने आज (शुक्रवार) दसरा चौकात धरणे आंदोलन करुन सहा मे पर्यंत डॉ. शिंदे यांना हटवले नाही तर मुंबई येथील आझाद मैदानावर धरणे आंदोलन करण्याचा इशारा देण्यात आला. याबाबतचे निवेदन जिल्हाधिकारी यांच्यामार्फत शिक्षण मंत्री विनोद तावडे यांच्याकडे पाठवण्यात आले.

शिवाजी विद्यापीठाचे कुलगुरु यांचा गैर, भ्रष्ट आणि मनमानी कारभार असल्याने त्यांना त्वरीत हटवावे, अशी मागणी सुटाच्या वतीने होत आहे. याबाबत आज सुटाने दसरा चौकात धरणे आंदोलन केले. याबाबत शिक्षण मंत्र्यांना पाठवलेल्या निवेदनात कुलगुरु डॉ. शिंदे यांच्या 129 प्रकरणाच्या गैरव्यवहाराची वारंवार लिखीत स्वरुपात सादर केली आहेत. तरीही त्यांच्या कारभारात सुधारणा झालेली नाही. उलट ते आल्यापासून कारभार खालावला आहे. त्यामुळे शिवाजी विद्यापीठाचे मानाकंन घसरले आहे.

कुलगुरु डॉ. शिंदे या पदावर राहणे विद्यापीठाच्या व विद्यार्थ्यांच्या हितास बाधा आणणारे आहे. म्हणूनच सुटाने कुलगुरु हटावची मोहिम सुरु केली आहे. विद्यापीठाच्या प्रमाणपत्रांची दुबार छपाई केली आहे. याची जबाबदारी कुलगुरुंनीच घ्यावी व प्रमाणपत्रे बदलून द्यावीत. देशपांडे समितीनुसार नियमबाह्य नेमणुका विरोधात तातडीने कारवाई करावी. अशी मागणी सुटाने निवेदनात केली आहे.

या आंदोलनात सुटाचे प्रमुख कार्यवाहक डॉ. डी.एन.पाटील, सहकार्यवाह डॉ. सुभाष जाधव, उपाध्यक्ष डॉ.अरुण पाटील, खजिनदार डॉ. ईला जोगी यांच्यासह विद्यापीठातील प्राध्यापक सहभागी झाले होते.

298 total views, 6 views today

Leave a Reply

Your email address will not be published. Required fields are marked *

News Flash

आरोग्य

देश-विदेश

 

क्रीडा