जिल्हा परिषदेत पाणी टंचाईबाबत ३० रोजी बैठक…

1 1

कोल्हापूर (प्रतिनिधी) : जिल्ह्यातील पाणी टंचाई संभाव्य गावांमध्ये टंचाई भासू नये आणि यावर कोणत्या उपाययोजना करता येतील याबाबत जि.प.अध्यक्षा शौमिका महाडिक यांनी आज (गुरुवार) अधिकाऱ्यांची दुपारी बैठक आयोजीत केली होती. या बैठकीत पाणीटंचाईबाबत चर्चा झाली. यानंतर पुन्हा ३० एप्रिल रोजी सर्व गटविकास अधिकारी व क्षेत्रीय अधिकाऱ्यांची जि.प.च्या सभागृहात बैठक बोलवण्यात आली आहे.

लोकसभेच्या निवडणुका संपल्यानंतर आज तब्बल दीड महिन्यानंतर जि.प. अध्यक्षा महाडिक दुपारी जिल्हा परिषद आल्या. त्यांनी तत्काळ वरिष्ठ अधिकाऱ्यांना एकत्र बोलावून जिल्ह्यातील पाणीटंचाईग्रस्त संभाव्य गावे आणि वाड्या किती आहेत याचा आढावा घेतला. अधिकाऱ्यांशी चर्चा करून योग्य त्या उपाययोजना करण्याबाबत सूचना केल्या.

तालुकानिहाय संभाव्य पाणी टंचाई गावे आणि वाड्या खालीलप्रमाणे -:

आजरा ८ गावे १४ वाड्या, भुदरगड ८ गावे २४ वाड्या, चंदगड १३ गावे १२ वाड्या, गडहिंग्लज २१ गावे ९ वाड्या, गगनबावडा १ गावं ४ वाड्य़ा, हातकणंगले १९ गावे १० वाड्या, करवीर ६ गावे ६ वाड्या, कागल २५ वाड्या, पन्हाळा १२ गावे १२ वाड्या, राधानगरी २  गावे ४२ वाड्या, शाहुवाडी ७ गावे १० वाड्या, शिरोळ १२ गावे २० वाड्या, जिल्ह्यात एकूण १०९ गावे आणि १८८ वाड्यांमध्ये संभाव्य पाणी टंचाई आहे. याबाबत उपाययोजनांसाठी  बैठक बोलावण्यात आली होती.

या बैठकीला मुख्य कार्यकारी अधिकारी अमन मित्तल, कार्यकारी अभियंता पाणी पुरवठा मनिष पवार, अतिरिक्त मुख्य कार्यकारी अधिकारी डॉ. शिवदास, उपमुख्य कार्यकारी अंभियता डी. एस. काशीद आदी उपस्थित होते.

1 Comment
  1. Balasaheb sawant says

    Good rain season last Kay??

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More