कोल्हापूर : हिंदू राष्ट्र-स्थापनेचा आवाज बुलंद करण्यासाठी हिंदू जनजागृती समितीच्या वतीने दि. ११ ऑक्टोबर रोजी सायंकाळी ६ वाजता इंद्रप्रस्थ सांस्कृतिक भवन, लकी बझार, राजारामपुरी येथे हिंदू संघटन मेळाव्याचे आयोजन करण्यात आले आहे.
गेल्या २६ सप्टेंबर रोजी अर्थात घटस्थापनेला हिंदू जनजागृती समितीच्या स्थापनेला २० वर्षे पूर्ण झाली. यानिमित्त ३१ ऑगस्टपासून देशभरात समितीच्या वतीने ‘हिंदू राष्ट्र संकल्प अभियान’ राबविले जात आहे. इंद्रप्रस्थ सांस्कृतिक भवन येथे आयोजित केलेला हिंदू संघटन मेळावा हा या अभियानाचा भाग आहे. या अभियान अंतर्गत विविध ठिकाणी व्याख्याने, फलकप्रसिद्धी करणे, मंदिरांची आणि ऐतिहासिक स्थळांची स्वच्छता, महिला संघटनाचे उपक्रम, परिसंवाद’ आदी उपक्रम राबविले जात आहेत.
