Breaking News

 

 

पांढरपाणीच्या तरुणाचा लखमापूर तलावात बुडून मृत्यू…

गगनबावडा (प्रतिनिधी) : गगनबावडा तालुक्यातील रेव्याची वाडी नजीक असलेल्या लखमापूर तलावामध्ये पोहण्यासाठी गेलेल्या तरुणाचा बुडून म़ृत्यू झाल्याचा प्रकार आज (रविवार) सकाळी निदर्शनास आला. विजय कासार (वय २४, रा. पांढरपाणी, ता. गगनबावडा) असे त्याचे नाव आहे. याबाबतची वर्दी पोलीस पाटील संजय वरेकर यांनी गगनबावडा पोलीस ठाण्यात दिली.

विजय कासार हा रेव्याची वाडी येथे शनिवारी संध्याकाळी नातेवाईंकाकडे आला होता. सायंकाळी साडेपाचच्या सुमारास लखमापूर तलावात पोहण्यासाठी गेला होता. यावेळी त्याचा तलावामध्ये बुडून मृत्यू झाला. नातेवाईकांनी तो घरी न आल्याने शोधाशोध सुरु केली. आज सकाळी साडेअकराच्या सुमारास त्याचा मृतदेह तलावामध्ये तरंगताना आढळून आला. या घटनेची नोंद गगनबावडा पोलीस ठाण्यात झाली आहे.  

771 total views, 3 views today

Leave a Reply

Your email address will not be published. Required fields are marked *

News Flash