कोल्हापूर (प्रतिनिधी) : वेस्टर्न इंडिया फुटबॉल असोसिएशनच्या वतीने खेलो इंडिया अंतर्गत १७ वर्षांखालील मुलींसाठी खेलो इंडिया स्टेट लीग सप्टेंबर ते ऑक्टोबर मुंबई येथे घेण्यात येणार आहे.
या स्पर्धेसाठी केएसएशी संलग्न असणारा १७ वर्षांखालील क्लब/ अकॅडमी यांचा संघ पाठविण्यात येणार आहे. यासाठी फुटबॉल संघातील मुली खेळाडूंचा जन्म १ जानेवारी २००७ ते ३१ डिसेंबर २००९ यामधील असला पाहिजे. तरी कोल्हापूर जिल्ह्यातील इच्छुक क्लब/अकॅडमी यांनी शनिवार, दि. २४ सप्टेंबर रोजी दुपारी ४ वाजेपर्यंत केएसए कार्यालयात रितसर कळवावे असे केएसएच्या वतीने कळविण्यात येत आहे.
