कोल्हापूर (प्रतिनिधी) : राज्य उत्पादन शुल्क कोल्हापूर विभागाच्या भरारी पथकानं करवीर तालुक्यातील भोगावती येथे छापा टाकला. यामध्ये ३६ लाख ६९ हजार रुपयांच्या गोवा बनावटीच्या दारू आणि गाडीसह एकूण ४६ लाख ६९ हजारांचा मुद्देमाल जप्त केला असून एकाला अटक केली आहे. अशी माहिती राज्य उत्पादन शुल्क भरारी पथकाचे दुय्यम निरीक्षक आर. जी. येवलुजे यांनी दिली.
या कारवाईत दहा लाखांचा सहा चाकी टेम्पो आणि गोवा बनावटीच्या दारूचे ५१२ बॉक्स असा एकूण ४६ लाख ६९ हजार रुपयांचा मुद्देमाल जप्त करण्यात आला आहे. या प्रकरणी रमेश तांबोसकर (वय ३३, रा. टेंबेवाडी, ता. सावंतवाडी, जि. सिंधुदुर्ग) याला अटक करण्यात आलं आहे.
