कोल्हापूर (प्रतिनिधी) : केंद्रीय मंत्री ज्योतिरादित्य सिंधिया यांनी आज खासदार धनंजय महाडिक यांच्या निवासस्थानी सदिच्छा भेट दिली. त्यांनी लोकप्रतिनिधी आणि महाडिक कुटुंबीयांबरोबर विविध विषयांवर चर्चा केली. खा. धनंजय महाडिक यांच्या हस्ते सिंधिया यांचा शाल-श्रीफळ आणि श्री अंबाबाईची प्रतिमा देऊन, तसेच उच्च तंत्रशिक्षण मंत्री चंद्रकांत पाटील यांचाही महाडिक कुटुंबीयाच्या वतीने सत्कार करण्यात आला.
खासदार संजयकाका पाटील यांनी सिंधिया यांना सांगली भेटीचे निमंत्रण दिले. गडमुडशिंगी येथील शेतकर्यांनी विमानतळ विस्तारीकरणासाठी दिलेल्या जमिनीच्या बदली पर्यायी जमीन द्यावी, अशी मागणी करणारे निवेदन माजी आमदार अमल महाडिक यांनी दिले. यावर तातडीने निर्णय घेण्याची ग्वाही सिंधिया यांनी दिली.
यावेळी माजी राज्यमंत्री भरमूआण्णा पाटील, आमदार प्रकाश आवाडे, भाजपचे ग्रामीण जिल्हाध्यक्ष समरजितसिंह घाटगे, जि. प.चे माजी सदस्य राहुल आवाडे, सत्यजित कदम, संग्राम निकम, अरूंधती महाडिक, पृथ्वीराज महाडिक, वैष्णवी महाडिक, विश्वराज महाडिक, कृष्णराज महाडिक, राहुल महाडिक, ओमवीर महाडिक, भाजपचे जिल्हाध्यक्ष राहुल चिकोडे उपस्थित होते.
