कळे (प्रतिनिधी) : महाराष्ट्र राज्य परीक्षा परिषदेमार्फत आर्थिक दुर्बल घटकातील विद्यार्थ्यांसाठी २०२२ मध्ये घेण्यात आलेल्या एनएमएमएस परीक्षेत सावर्डे तर्फ असंडोली (ता.पन्हाळा) येथील ज्ञानराज माध्यमिक विद्यालयाच्या २० विद्यार्थ्यांनी धवल यश प्राप्त केले असून, ६ लाख ५२ हजारांची शिष्यवृत्ती पटकावली आहे.
एनएमएमएस शिष्यवृत्तीत पृथ्वी मोरे, सिद्धांत महाजन, प्रथमेश सातपुते यांनी यश प्राप्त केले, तर सारथी शिष्यवृत्तीत सायली रावण, प्रणाली पाटील, राधिका आवाड, रोहिणी सावंत, वसुंधरा पाटील, आरती रावण, गौरी रावण, रिया नाईक, सत्यजित पाटील, आविष्कार नाईक, आदित्य नाईक, विघ्नेश नाईक, निखिलराज रावण, सर्वेश सावंत, केदार पाटील, राजवर्धन बच्चे, पारस तावडे पात्र झाले आहेत.
या विद्यार्थ्यांना विश्वजित बच्चे-पाटील, मुख्याध्यापक श्रीकांत पाटील, विभागप्रमुख भगवान पाटील, उत्तम घुंगूरकर, संभाजी लव्हटे, परशराम वातकर, कर्मचारी व पालक यांचे मागदर्शन लाभले.
