कोल्हापूर (प्रतिनिधी) : जुना बुधवार पेठेतील शाहू गल्ली, तोरस्कर चौक येथील राजू निकम यांनी शिवसेना पक्षप्रमुख उद्धव ठाकरे यांच्याबद्दल असलेली निष्ठा आणि प्रेम यावर देखावा घरात सादर केला. या प्रसंगी स्वतःच्या दारात ‘उद्धव ठाकरे यांच्यासारखा मुख्यमंत्री होणार नाही’ अशी कमान उभा केली आहे व घरी शिवसेना भवन उभा करून त्यामध्ये गणेशाची मूर्ती स्थापन केली आहे.
एकनिष्ठ आणि कट्टर शिवसैनिक राजू निकम यांच्या घरी आज शिवसेना जिल्हाप्रमुख संजय पवार यांनी भेट देऊन कौतुक केले. निकम यांच्याबद्दल निष्ठावंत शिवसैनिक कसा असावा याचे मूर्तिमंत उदाहरण आहे. सध्याच्या राजकीय घडामोडीतही सामान्य शिवसैनिक हे उद्धव ठाकरे यांच्या पाठीशी आहेत, हे या देखाव्याच्या माध्यमातून दाखवून राजू निकम यांनी आगळा संदेश दिला आहे. या आगळ्यावेगळ्या देखाव्याची चांगलीच चर्चा होत आहे. यावेळी शिवसेना उपशहरप्रमुख अनिल पाटील, सुशील भांदिगरे, किसन निगडे, अभिजित खतकर, सर्जेराव चव्हाण, सुधाकर निगडे आदी उपस्थित होते.
