धामोड परिसरातील जनतेने धनंजय महाडिक यांच्या पाठीशी उभे राहावे : धैर्यशील पाटील

धामोड (प्रतिनिधी) : खासदार कसा असावा याचे उत्तम उदाहरण म्हणजे खा. धनंजय महाडिक होत. त्यांनी अभ्यासपूर्ण प्रश्न संसदेत मांडल्यामुळे जिल्ह्य़ातील अनेक प्रश्न मार्गी लागले आहेत. त्यामुळे धामोड परिसरातील जनतेने त्यांच्या पाठीशी उभे राहावे, असे आवाहन भोगावती कारखान्याचे चेअरमन धैर्यशील पाटील-कौलवकर यांनी केले.

राधानगरी तालुक्यातील धामोड, केळोशी बु., आपटाळ, केळोशी खुर्द, कोते, चांदे, खामकरवाडी या प्रमुख गावे आणि त्या अंतर्गत येणाऱ्या वाड्यांच्या गाव भेट दौऱ्याच्या समाप्तीनंतर ‘लाईव्ह मराठी’च्या प्रतिनिधीशी संवाद साधला. ते म्हणाले की, आपल्या अभ्यासपूर्ण भाषणाच्या जोरावरच त्यांना ‘संसदरत्न’ पदवी प्राप्त झाली आहे. या परिसरातील जनतेने त्यांना पुन्हा एकदा काम करण्याची संधी द्यावी. आणि कार्यतत्पर नेतृत्वाला संसदेत पाठवावे. काँग्रेस आणि राष्ट्रवादी काँग्रेस व इतर मित्रपक्षांच्या एकजुटीने महाडिकांचा विजय निश्चित आहे. 

पृथ्वीराज महाडिक, गोकुळचे संचालक अरुणकुमार डोंगळे, पी. डी. धुंदरे, राष्ट्रवादी काँग्रेसचे जिल्हाध्यक्ष ए. वाय. पाटील, भोगावती साखर कारखान्याचे उपाध्यक्ष उदयसिंह पाटील यांच्या नेतृत्वाखाली झालेल्या या दौऱ्यात भोगावती कारखान्याचे सर्व संचालक आणि या परिसरातील जिल्हा परिषद सदस्य, विविध संस्थांचे पदाधिकारी सहभागी झाले होते.

1,392 total views, 6 views today

2 thoughts on “धामोड परिसरातील जनतेने धनंजय महाडिक यांच्या पाठीशी उभे राहावे : धैर्यशील पाटील”

  1. साहेब विसर आता सतेसाठी कोण पण सांगेल आम्ही स्वाभिमानी आहोंत

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

देश-विदेश

 

क्रीडा

गुन्हे

Follow by Email
Facebook
YouTube
YouTube
Instagram