Breaking News

 

 

पक्षनिष्ठेला तिलांजली देणाऱ्या महाडिक प्रवृत्तीला हद्दपार करू : नाथाजी पाटील

गारगोटी (प्रतिनिधी) : सोयीच्या राजकारणासाठी पक्षनिष्ठेला तिलांजली देणाऱ्या महाडिक प्रवृत्तीला हद्दपार करण्यासाठी भुदरगड तालुक्यातून महायुतीचे उमेदवार प्रा. संजय मंडलिक यांना भुदरगड तालुक्यातून प्रचंड मताधिक्य देऊया, असे आवाहन भाजपा भुदरगड तालुकाध्यक्ष व बाजार समिती संचालक नाथाजी पाटील यांनी केले. महायुतीचे उमेदवार प्रा. संजय मंडलिक यांच्या प्रचारार्थ आयोजित केलेल्या आदमापूर येथील प्रचार सभेत ते बोलत होते. अध्यक्षस्थानी धैर्यशील भोसले (सरकार) हे होते. तर आ. प्रकाश आबिटकर, मौनी विद्यापीठ सदस्य अलकेश कांदळकर, सचिनदादा घोरपडे हे प्रमुख उपस्थित होते.

या वेळी पाटील म्हणाले की, पालकमंत्री चंद्रकांतदादा पाटील यांच्या प्रयत्नातून आदमापूर बाळूमामा मंदिरास ‘ब’ वर्ग दर्जा, वाहतूक कोंडी फोडण्यासाठी उड्डानपूल , तसेच आमदारांनी सूध्दा आपल्या निधीतून विकासकामे केली आहेत. अशी कोट्यवधी रुपयांची विकासकामे केली असून विद्यमान खासदारांनी मात्र येथे १ रुपयाचा निधी दिला नाही. याचा विचार करून कालव्यांच्या माध्यमातून हिरवाईचे स्वप्न साकारणाऱ्या स्व. सदाशिवराव मंडलिकांचा वारसा सांगणाऱ्या प्रा. संजय मंडलिक यांना प्रचंड मतांनी विजयी करूया…

या वेळी कल्याणराव निकम, दत्ताजी चौगले, दिलीप केणे, नामदेव चौगले, संतोष पाटील, रणजित आडके, सचिन हाळवणकर, प्रशांत पाटील, संजय भोसले, संतोष बरकाळे, रामभाऊ पाटील (भाजप शाखाध्यक्ष), वीरकुमार पाटील (भाजपा युवा मोर्चा), अनिल पाटील, प्रवीण पाटील, सुरेश सुतार, लखन लोहार, भिकाजी पाटील आदी उपस्थित होते. रामचंद्र पाटील यांनी स्वागत, एस.जी. पाटील यांनी आभार मानले.

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा

गुन्हे