Breaking News

 

 

माजी उपमहापौर शमा मुल्लासह ‘४०’ जणांना मोक्का लावणार : डॉ. अभिनव देशमुख

कोल्हापूर (प्रतिनिधी) :  यादवनगर परिसरात मटका अड्ड्यावरील पोलीस कारवाईवेळी गोंधळ घालून पोलीसांवर हल्ला करणाऱ्या नगरसेविका शमा मुल्ला, तिचे पती सलीम मुल्ला यांच्यासह त्यांच्या टोळीतील ४० जणांवर मोक्कातंर्गत कारवाई करण्याचे प्रस्ताव तयार केला असल्याची माहिती जिल्हा पोलीस प्रमुख डॉ. अभिनव देशमुख यांनी आज (बुधवार) पत्रकार परिषदेत दिली.

अभिनव देशमुख म्हणाले, शमा मुल्ला आणि तिचे पती सलीम मुल्ला यांनी पोलीस कारवाईच्या वेळी गोंधळ घालून पोलीसांवर हल्ला करुन कारवाई रोखण्याचा प्रयत्न केला. तसेच एका पोलीस कर्मचाऱ्याची पिस्टलही हिसकावले. या प्रकरणात आत्तपर्यंत २५ जणांना अटक केली आहे. तपासामध्ये आणखी १५ अधिक जणांची नावे निष्पन्न झाली असून त्यांचा शोध सुरु आहे. या सर्वांच्यावर ८ एप्रिल रोजीच्या प्रकरणात सहभाग असल्याबद्दल विविध कलमांखाली गुन्हे दाखल केले आहेत.

याबरोबरच सर्वांचे पोलीस रेकॉर्ड तपासून यापुर्वीच्या दाखल गु्न्ह्यांचा समावेश करुन मो्क्कातंर्गत कारवाईचा प्रस्ताव तयार कऱण्यात येणार आहे. त्यांच्यावर मोक्कातंर्गत कारवाईही होणार आहे. शमा मुल्ला यांच्यावर मोक्कातंर्गत कारवाई करण्यासाठी आवश्यक ती परवानगी घेण्यात येत आहे. त्यांच्या घरी रोख रक्कमेसह मोबाईल व इतर साहित्य असा दीड लाखांचा मुद्देमाल जप्त करण्यात आला आहे.

याबरोबरच काही आक्षेपार्ह कागदपत्रे मिळाली असून यावरुन सावकारी, दमबाजी, अवैध व्यवसाय याबाबतचे गुन्हे दाखल करण्यात येणार असल्याचे देशमुख यांनी सांगितले.

यावेळी अतिरिक्त पोलीस अधिक्षक तिरुपती काकडे, पोलीस निरिक्षक तानाजी सावंत, सुनिल पाटील उपस्थित होते.

Leave a Reply

Your email address will not be published. Required fields are marked *

अर्थ - उद्योग

आरोग्य

 

क्रीडा