छत्तीसगडमध्ये नक्षल्यांचा मोठा हल्ला : ५ जवानांसह भाजप आमदाराचा मृत्यू

रायपूर (वृत्तसंस्था) : लोकसभा निवडणुकीच्या पहिल्या टप्प्यातील मतदानाच्या ३६ तास आधी नक्षलवाद्यांनी मोठा हल्ला घडवून आणला. छत्तीसगडमधील दंतेवाडा येथील कुआकोंडा पोलीस ठाण्याच्या क्षेत्रात नक्षलवाद्यांनी आयइडीने केलेल्या स्फोटात ५  जवान शहीद झाले, तर भाजपचे आमदार भीमा मंडावी यांचा मृत्यू झाला आहे. लोकसभा निवडणुकीच्या पहिल्या टप्प्याच्या प्रचारासाठीचा आज अखेरचा दिवस होता. या हल्ल्यानंतर दंतेवाडा परिसरात हाय अलर्ट देण्यात आला आहे. घटनास्थळी अतिरिक्त पथक पाठवण्यात आले आहे.

११ एप्रिल रोजी होणाऱ्या मतदानासाठी निवडणूक आयोगाचे पथक आणि अन्य सुरक्षा दल आजपासून मतदान केंद्रावर जाण्यासाठी निघाले आहेत. ही प्रक्रिया पुढील दोन दिवस सुरु राहणार आहे. त्याच्याआधी नक्षलवाद्यांनी हा हल्ला केल्यामुळे परिसरात अलर्ट देण्यात आला आहे. या हल्ल्यात ठार झालेले भीम मंडवी हे बस्तरमधील भाजपचे एकमेव आमदार आहेत. नक्षलवाद्यांनी श्यामगिरी येथे भाजपचे आमदार मंडावी यांच्या ताफ्यावर हल्ला केला.

मंडावी यांच्यासोबत सुरक्षा दलाचे एक पथक श्यामगिरी येथून निघाले होते. शहीद झालेले सर्व जवान छत्तीसगड पोलीस दलातील आहेत. दंतेवाडामधील बस्तर लोकसभा मतदारसंघात ११ एप्रिल रोजी मतदान होणार आहे. नक्षलवादी काही दिवसांपासून या भागातील नागरिकांना मतदानावर बहिष्कार टाकण्याचे आवाहन करत आहेत.

1,047 total views, 6 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

देश-विदेश

 

क्रीडा

गुन्हे

Follow by Email
Facebook
YouTube
YouTube
Instagram