Breaking News

 

 

कोल्हापुरातील पदपथांवरील अतिक्रमणांवर धडक कारवाई

कोल्हापूर (प्रतिनिधी) : महापालिकेच्या अतिक्रमण विभागाने आज (सोमवार) धडक कारवाई करत कोल्हापूर शहराच्या विविध भागातील पदपथावरील अतिक्रमणे हटवली. यामध्ये पदपथावरील २५ फळवाले, १६ केबिन्स, ५ हातगाड्या, ५ शेड यांचा समावेश आहे.

स्थायी समितीच्या नुकत्याच झालेल्या सभेत पदपथावरील अतिक्रमणे हटवण्याची जोरदार मागणी सदस्यांनी केली होती. त्यावेळी सोमवारपासून अतिक्रमणे हटवण्याची मोहीम हाती घेणार असल्याचे प्रशासनाने सांगितले होते. त्यानुसार आज सकाळपासून अतिक्रमणविरोधी विभागाने पदपथावरील अतिक्रमणे हटवण्यास सुरुवात केली. खानविलकर पेट्रोल पंप, एस. पी. ऑफीस या मार्गावरील फळवाल्यांच्या दोन हातगाड्या जप्त करण्यात आल्या.

दुपारी पितळी गणपती चौक ते आर.टी.ओ ऑफीस चौक तसेच शिवाजी पार्क, संगम टॉकीज, धैर्यशील चौक तसेच पर्ल हॉटेल जवळील ८ केबीन, सासने मैदान जवळील ८ केबीन, आर.टी.ओ.ऑफीस जवळील ५ हातगाडया व ५ शेड, ९ बॅनर लहान नग इत्यादी अतिक्रमणे निष्कासित करणेत आली.
ही कारवाई शहर अभियंता नेत्रदीप सरनोबत, उपशहर अभियंता हर्षजित घाटगे यांचे मार्गदर्शनाखाली तसेच अतिक्रमण विभाग प्रमुख पंडित पवार, कनिष्ठ अभियंता मीरा नगीमे, अतिक्रमण, वर्कशॉप व पवडी विभागाचे २५  कर्मचाऱ्यांनी केली. या वेळी पोलीस बंदोबस्त पुरविण्यात आला नव्हता.  काही नेत्यांनी या कारवाईस विरोध करण्याचा प्रयत्न केला, मात्र मनपा प्रशासनाने त्याकडे दुर्लक्ष करीत कठोरपणे मोहीम राबवली.

Leave a Reply

Your email address will not be published. Required fields are marked *

अर्थ - उद्योग