कोल्हापूर : शिवाजी विद्यापीठाच्या अर्थशास्त्र अधिविभागातील डॉ. महादेव देशमुख यांची विद्यापीठाच्या मानव्यशास्त्र विद्याशाखेच्या अधिष्ठातापदी निवड झाल्याबद्दल भगवान महावीर अध्यासनामार्फत त्यांचा सत्कार करण्यात आला.

ज्येष्ठ अर्थतज्ज्ञ डॉ जे. एफ. पाटील यांच्या हस्ते शाल, श्रीफळ व पुष्पगुच्छ देऊन डॉ. देशमुख यांचे अभिनंदन करण्यात आले. डॉ. देशमुख अर्थशास्त्र विभागात प्राध्यापक म्हणून कार्यरत असून, सामाजिक मूल्यांकन, अंतर्गत गुणवत्ता हमी कक्षाचे समन्वयक अशा विविध जबाबदाऱ्या त्यांनी पार पाडल्या आहेत. अधिष्ठातापदी निवड होणे ही आनंदाची बाब असल्याचे मत डॉ. जे. एफ. पाटील यांनी व्यक्त केले. डॉ. देशमुख यांनी भगवान महावीर अध्यासन भविष्यात जैन अध्ययनाचे राष्ट्रीय केंद्र म्हणून उदयास येईल, अशी आशा व्यक्त केली. अध्यासनाचे समन्वयक डॉ. विजय ककडे यांनी प्रास्ताविक केले.