Breaking News

 

 

ब्राह्मण समाजाविरोधात वादग्रस्त वक्तव्याबद्दल खा. शेट्टींंवर गुन्हा

कोल्हापूर (प्रतिनिधी) : ब्राह्मण समाजाविरोधात वादग्रस्त विधान केल्याप्रकरणी स्वाभिमानी शेतकरी संघटनेचे अध्यक्ष, खा. राजू शेट्टी यांच्यावर निवडणूक आयोगाने गुन्हा दाखल केला आहे. आज (रविवार) हातकणंगले पोलीस ठाण्यात आचारसंहिता भंग आणि लोकप्रतिनिधी अधिनियम १९५१ कलम १२५ अन्वये गुन्हा दाखल करण्यात आला आहे.

हेरले (ता. हातकणंगले) येथे प्रचारसभेत बोलताना खा. शेट्टी यांनी, ‘कुलकर्णी, देशपांडे आडनावाच्या व्यक्‍ती सैन्यात कधीच भरती होत नाहीत. शेतकर्‍यांचीच मुलेच सैन्यात असतात. ती शहीद होतात. कुलकर्णी-देशपांडे यांची नाही. मात्र ते इतरांना देशभक्ती शिकवतात’ असं वक्तव्य शेट्टींनी केल्यामुळे मोठा वाद निर्माण झाला होता. या वक्तव्याचा ब्राह्मण समाजाकडून निषेध व्यक्त करण्यात आला. जवानांना कोणतीही जात नसते. ते देशवासियांचे संरक्षण करत आपले कर्तव्य बजावत असतात. पण राजू शेट्टी यांनी त्यांचा राजकारणासाठी वापर करत केलेले वक्तव्य निषेधार्ह असल्याचे समाजाचे मत आहे.

याप्रकरणी ब्राम्हण समाजाच्यावतीने निवडणूक विभागाकडे तक्रार दाखल करण्यात आली होती. त्याआधारे निवडणूकनिर्णय अधिकाऱ्यांनी राजू शेट्टी यांना नोटीस पाठवली होती. नोटिसीला उत्तर न दिल्याने निवडणूक विभागाचे भरारी पथक क्रमांक ३ चे प्रमुख मेघराज घोडके यांनी हातकणंगले पोलिस ठाण्यात दिली फिर्याद दिली. शेट्टी यांच्यावर गुन्हा दाखल करण्यात आला आहे. पोलीस निरीक्षक सीताराम डुबल तपस करीत आहेत.

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा

गुन्हे