Breaking News

 

 

मतदान करा अन् पेट्रोल-डिझेल खरेदीवर सूट मिळवा…

नवी दिल्ली (वृत्तसंस्था) : लोकसभा निवडणुकीसाठी मतदान लवकरच सुरू होणार आहे. मतदारांना जागृत करण्यासाठी अनेक उपाययोजना राबवल्या जात आहेत. ऑल इंडिया पेट्रोलियम डीलर्स असोसिएशनकडून एक घोषणा करण्यात आली आहे.  मतदानाच्या दिवशी पेट्रोल-डिझेलवर प्रतिलिटर ५० पैसे सूट देण्यात येणार असल्याची घोषणा करण्यात आली आहे, अशी माहिती  इंडिया पेट्रोलियम डीलर्स असोसिएशनचे अध्यक्ष अजय बन्सल यांनी दिली. 

बन्सल म्हणाले की, ११ एप्रिल रोजी सुरू होणारे मतदान १९ मे रोजी समाप्त होणार आहे. लोकसभा निवडणुकीत ९० कोटी भारतीयांनी आपला हक्क बजावायचा आहे. संपूर्ण भारतात एकूण ६४ हजार पेट्रोल पंप आहेत. त्यापैकी २५ टक्के पेट्रोल पंप ग्रामीण भागात आहेत.  मतदानाच्या दिवशी पेट्रोल-डिझेलवर सूट देण्याची घोषणा करण्यात आली आहे. मतदारांसाठी ही ऑफर मतदानाच्या दिवशी सकाळी ८ वाजेपासून रात्री ८ वाजेपर्यंत असणार आहे. या योजनेचा फायदा घेण्यासाठी मतदारांना त्यांच्या बोटावर असलेले मतदानाचे  चिन्ह दाखवणे आवश्यक आहे.

Leave a Reply

Your email address will not be published. Required fields are marked *

News Flash

अर्थ - उद्योग

देश-विदेश