मंडलिक कारखान्याच्या हंगामाची सांगता : ४.६६ लाख टनांवर गाळप

हमिदवाडा (प्रतिनिधी) : सदाशिवराव मंडलिक कागल तालुका सहकारी साखर कारखान्याच्या २०१८-१९ या १९ व्या गळीत हंगामात ११७ दिवसात ४,६६,४४३ मे. टन ऊसाचे गाळप झाले आहे.  ६,०५,५०० क्विंटल साखर उत्पादन होऊन यासाठी सरासरी १२.९६ टक्के इतका उच्चांकी साखर उतारा प्राप्त केला आहे. या गळीत हंगामसाठी एकूण २ कोटी ४८ लाख ३ हजार ५०० युनिट विजनिर्मिती झाली असून त्यापैकी १ कोटी ८२ लाख ५८ हजार युनिट वीज महावितरण कंपनीकडून निर्यात केली आहे. तर ६ लाख ५४ हजार युनिटस् कारखाना प्रोसेससाठी वापरलेली आहे, अशी माहिती चेअरमन प्रा. संजय मंडलिक यांनी दिली. 

गत वर्षीच्या हंगाममध्ये कारखाना कार्यक्षेत्रातून ३,८२,८३३ मे. टन तसेच महाराष्ट्र व कर्नाटक गेटकेनमधून ८३,६०९ मे. टन इतका ऊस गळीतासाठी उपलब्ध झाला आहे. गळीताच्या एकूण कार्यक्षेत्रातून ८४ टक्के ऊस उपलब्ध झालेला आहे. नियोजनबद्द ऊस तोडणी आणि तांत्रिक कार्यक्षमतेचा योग्य वापर करुन कारखान्याने सरासरी १२.९६ टक्के इतका उतारा प्राप्त केला आहे. आणि या हंगामातील उतारा कोल्हापूर जिल्हा तसेच संपूर्ण महाराष्ट्रातील सर्वात उच्चांकी ठरला आहे.

यावेळी चेअरमन संजय मंडलिक यांनी सर्वाना धन्यवाद दिले. कारखान्याचे गाळप समाधानकारक झालेले आहे. या वर्षी सर्वच कारखान्याचे गळीत हंगाम कमी कालावधीसाठी  झालेले आहेत. संस्थापक-चेअरमन सदाशिवराव मंडलिक साहेब यांनी घालून दिलेल्या आदर्शानुसारच यापुढेही कारखान्याची यशस्वी वाटचाल राहील, त्यासाठी आम्ही सर्व संचालक मंडळ कटिबद्ध असल्याचे मांडलिक यांनी सांगितले.

याप्रसंगी कारखान्याचे व्हा. चेअरमन बंडोपंत चौगुले, संचालक बापुसो भोसले पाटील शिवाजीराव इंगळे, शंकरराव पाटील, आनंदराव मोरे, शहाजी यादव, जयसिंग गिरीबुवा, आप्पासाहेब तांबेकर, दिनकर पाटील, दत्तात्रय सोनाळकर, मारुती काळुगडे, कैलाससिंह जाधव, दत्तात्रय चौगुले, मसू पाटील, चित्रगुप्त प्रभावळकर, धनाजी बाचणकर, नंदिनीदेवी घोरपडे, राजश्री चौगुले प्रकाश पाटील प्रदीप चव्हाण, कारखान्याचे कार्यकारी संचालक एन. वाय. पाटील आदी उपस्थित होते.

 

Leave a Reply

Your email address will not be published. Required fields are marked *

 

कला

क्रीडा

Follow by Email
Facebook
YouTube
YouTube
Instagram