पन्हाळा (प्रतिनिधी) : पन्हाळा शहरात ज्येष्ठ नागरिकांकरिता महालक्ष्मी मंदिर परिसर व शिवतीर्थ उद्यान येथे जिल्हाधिकाऱ्यांच्या सूचनेनुसार दोन विरंगुळा केंद्रे स्थापन करण्यात आली आहेत.
येथे ज्येष्ठ नागरिकांना बसण्याकरिता बाकांची सोय असून, वाचनासाठी विविध वृतपत्रे उपलब्ध ठेवण्यात येणार आहेत. शिवाय ज्येष्ठ नागरिकांना आवशक्यतेनुसार विविध सोयी उपलब्ध करून देण्यात येणार आहेत. पन्हाळा शहरातील ज्येष्ठ नागरिकांनी या विरंगुळा केंद्राचा लाभ घ्यावा आणि आवश्यक सोयी उपलब्ध करून घेण्यासाठी नगरपरिषदेशी संपर्क साधावा, असे आवाहन मुख्याधिकारी स्नेहलता कुंभार यांनी केले आहे.