उत्तूरच्या त्रिवेणी संस्थेतर्फे आदर्श शिक्षक पुरस्कारांची घोषणा…

गडहिंग्लज (प्रतिनिधी) : उत्तूर (ता.आजरा) येथील त्रिवेणी सांस्कृतिक, शैक्षणिक व क्रीडा संस्थेच्या वतीने आदर्श शिक्षक पुरस्कारांची घोषणा करण्यात आली. दादा नाईक गुणवंत शिक्षक हा पुरस्कार शिवराज कॉलेज, गडहिंग्लजचे मराठी विभागप्रमुख प्रा. सुधीर जोशी यांना जाहीर करण्यात आला आहे. माध्यमिक गटातील पद्मभूषण डॉ.जे.पी.नाईक गुणवंत शिक्षक हा पुरस्कार उत्तुर विद्यालतील कला शिक्षक इंद्रजीत बंदसोडे यांना घोषित करण्यात आला आहे.

तर प्राथमिक गटातील पद्मभूषण डॉ.जे.पी.नाईक गुणवंत शिक्षक हा पुरस्कार प्राथमिक विद्यामंदिर कोलाडच्या सोनल पाटील यांना जाहीर करण्यात आला आहे. सामाजिक विभागातील पूज्य बाबा आमटे व साधनाताई आमटे सामजिक कृतज्ञता पुरस्कार गडहिंग्लज संभाजीराव माने ज्यूनि.कॉलेजचे प्रा.प्रकाश भुईटे यांना घोषित झाला आहे.

प्रतिवर्षी संस्थेमार्फत हे पुरस्कार जाहिर केले जातात. यावर्षीचे १९वे वर्ष आहे. जाहीर केलेले पुरस्कारांचा वितरण समारंभ नवीन शैक्षणिक वर्षाच्या प्रारंभी होणार आहे.  अशी माहिती संस्थेचे कार्याध्यक्ष तुकाराम के.पाटील यांनी दिली. यावेळी संस्थेचे अध्यक्ष श्रीकांत नाईक, उपाध्यक्ष देशभूषण देशमाने, सदस्य सुहास पाटील, बाळासाहेब हजारे, सुहास पोतदार आदी उपस्थित होते.

 

 

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

देश-विदेश

 

कला

क्रीडा

गुन्हे