चंद्रकांत चषक : ‘खंडोबा’ टायब्रेकरवर विजयी, तर ‘प्रॅक्टिस’कडून उत्तरेश्वरचा धुव्वा !

कोल्हापूर (प्रतिनिधी) : येथील शाहू स्टेडियमवर सुरु असलेल्या चंद्रकांत फुटबॉल चषक स्पर्धेमध्ये आज (सोमवार) झालेल्या सामन्यांमध्ये खंडोबा तालीम आणि प्रॅक्टिस क्लब या संघांनी विजय मिळवला. खंडोबा तालीम विरुद्ध कोल्हापूर पोलीस सामना १-१ असा बरोबरीमध्ये आल्याने सामन्याचा निकाल टायब्रेकरवर ५-४ ने लागला. तर प्रॅक्टिसच्या खेळाडूंनी ‘उत्तरेश्वर’चा धुव्वा उडवून सामना १०-२ अशा मोठ्या गोलफरकाने जिंकला.

कोहापूर पोलीस विरुद्ध खंडोबा तालीम मंडळ सामन्यामध्ये पहिल्या सत्रात एकही गोल झाला नाही. मात्र पहिल्या सत्रात कोल्हापूर पोलिसांनी गोल करण्याच्या ३ ते ४ संधी गमावल्या. दुसऱ्या सत्रात ४६ व्या  मिनिटाला प्रथमेश हेरेकरने कोल्हापूर पोलिसांना पहिला गोल करून दिला. तर ६२ व्या मिनिटाला खंडोबाच्या कपिल शिंदेने गोल करून सामना बरोबरीमध्ये आणला. मात्र त्यानंतर दोन्ही संघांना एकही गोल करता आला नाही. त्यामुळे सामन्याचा निकाल टायब्रेकरवर ठरला. यामध्ये कोल्हापूर पोलिसच्या रोहित ठोंबरेचा फटका गोलजाळीमध्ये जाऊ न शकल्याने ५-४ असा सामना खांडोबा तालीम मंडळाने जिंकला.

तर प्रॅक्टिस विरुद्ध उत्तुरेश्वर सामन्यामध्ये प्रॅक्टिसकडून ओपेरा डेव्हिड याने १२ व्या मिनिटाला गोल करून संघाचे खाते उघडले. त्यानंतर अनुक्रमे १८ व्या मिनिटाला कैलास पाटील, २७ व्या मिनिटाला आकाश काटे, ३१ व्या मिनिटाला ओपेरा डेव्हिड, ३४ व्या मिनिटाला ओपेरा डेव्हिड, ४० व्या मिनिटाला अर्जुन साळोखे यांनी गोल करून पहिल्या सत्रातच प्रॅक्टिसचा विजय निश्चित केला. परंतु त्यानंतरही प्रॅक्टिसचे आक्रमण चालूच होते. ४२, ५३, ६० व्या मिनिटाला राहुल पाटीलने सलग ३ गोल करून भक्कम आघाडी मिळून दिली. ६६ मिनिटाला स्वराज्य पाटीलने गोल करून संघाचा पहिला गोल केला. ७२ व्या प्रतिक जगदाळेने गोल केला. मात्र केवळ औपचारिकता राहिलेल्या सामन्यात ७६ व्या मिनिटला प्रॅक्टिसच्या इंद्रजीत चौगुलेने १० वा गोल केला. आणि प्रॅक्टिसने १०-२ अशा मोठ्या फरकाने सामना जिंकला.

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

देश-विदेश

 

कला

क्रीडा

गुन्हे