कळे (प्रतिनिधी) : पन्हाळा तालुका संजय गांधी निराधार योजना समितीच्या अध्यक्षपदी सावर्डे तर्फ असंडोली, ता. पन्हाळा येथील विलास गणपती पाटील यांची निवड करण्यात आली. यासाठी काँग्रेसचे पालकमंत्री सतेज पाटील, करवीरचे आमदर पी. एन. पाटील, गोकुळचे संचालक बाळासाहेब खाडे, माजी. जि.प. सदस्य बाळासाहेब मोळे यांचे सहकार्य लाभले.
यावेळी करवीरचे आ. पी. एन. पाटील यांनी प्रथमच हे पद धामणी खोऱ्यात दिल्याने त्यांच्या कार्यकर्त्यांनी आनंद व्यक्त केला. निवडीनंतर विलास पाटील यांनी समर्थकासह आ. पी. एन. पाटील यांची भेट घेऊन आभार मानले. तसेच पुष्पगुच्छ देऊन त्यांचा सत्कार केला. पन्हाळा तालुक्यातील निराधार नागरिकांना जास्तीत जास्त या योजनेचा लाभ मिळून देण्यासाठी कटिबद्ध असल्याचे पाटील यांनी सांगितले.
यावेळी बाळासाहेब मोळे, बाजीराव कांबळे, सुरेश बोरवणकर, रणधीर पाटील, विलास बोगरे, ए. डी. पाटील, दिनकर पाटील, सुदर्शन पाटील, अशोक चौगले, जी. बी. पाटील, सीताराम सातपुते, सदाशिव काळे, आनंदा जाधव आदी उपस्थित होते.
