कोल्हापूरलगतच्या ४४ गावांंतील जागेचा सर्व्हे करा : अमन मित्तल

0 5

कोल्हापूर (प्रतिनिधी) : कोल्हापूर शहरालगतच्या असणाऱ्या २६ गावांमध्ये काही खुल्या जागेचा शोध लागत नाही. त्या खाजगी मालकीच्या आहेत की गृहनिर्माण सोसायटीच्या जागा आहेत, हे समजत नाही. यासाठी आज (मंगळवार) ४४ गावांच्या ग्रामसेवकांची बैठक जिल्हा परिषद घेण्यात आली. या बैठकीत अशा खुल्या जागेचा सर्व्हे करावा, अशी सूचना जिल्हा परिषदेचे मुख्य कार्यकारी अधिकारी अमन मित्तल यांनी दिली.

या बैठकीत गावातील किती क्षेत्र किती आहे, खातेदारांचे नाव अंतर्गत रस्ते अतिक्रमण झालेल्यांची संख्या यांची माहिती मागवण्यात आली होती. यामध्ये करवीर तालुक्यातील शिंगणापूर हनुमंतवाडी, नागदेववाडी, चिखली, आंबेवाडी, रजपूतवाडी, वडणगे, वळीवडे, गांधीनगर, चिंचवड, मुडशिंगी, सरनोबतवाडी, तामगाव, नेर्ली, गोकुळ शिरगाव, कणेरी, कंदलगाव, पाचगाव, निगवे दुमाला, भुयेवाडी, कणेरीवाडी, मोरेवाडी, मादळी, सादळे, जठारवाडी, पाडळी खुर्द, वाशी, नंदवाळ, गिरगाव, कोगील, खुर्द कसबा, करवीर, उधेवाडी, नवे बालिंगे, कळंबे तर्फ ठाणे, उचगाव यांचा समावेश आहे.

तसेच हातकणंगले तालुक्यातील कासारवाडी, संभापूर, नागाव, शिरोली या गावांचा समावेश आहे. ज्या खुल्या जागा आहेत तसेच गृहनिर्माण सोसायटी जागा आहेत यांच्या जागा मालकांना तसेच सोसायटीचे अध्यक्ष आणि सचिव यांना नोटीसा पाठविण्यात येणार आहेत. त्यानंतर त्या जागांवर ग्रामपंचायतीचे नाव लावण्याबाबत कारवाई करण्यात येणार असल्याचे या बैठकीत स्पष्ट करण्यात आले.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More