लोकसहभागातून रंकाळा तलावाची स्वच्छता…

0 2

कोल्हापूर (प्रतिनिधी) :  लोकसहभागातून आज (गुरुवार) रंकाळा तलावाची पुर्व बाजू, तांबट कमान, सार्वजनीक गणेश विर्सजन कुंड, पक्षी निरक्षण केंद्र व संध्यामठ परिसरात श्रमदान मोहिम राबवून गाळ काढण्यासह स्वच्छता करण्यात आली. आयुक्त डॉ.मल्लिनाथ कलशेट्टी यांच्या नेतृत्वाखाली ही मोहीम राबवण्यात आली.

सकाळी सातपासून महापालिकेची यंत्रणा, स्वयंसेवासंस्थांचे कार्यकर्ते तसेच नागरीकांच्या सहभागातून तांबट कमान, सार्वजनीक गणेश विर्सजन कुंड, पक्षी निरिक्षण केंद्र या परिसरात स्वच्छता करण्यात आली. पहिल्यांदा  सार्वजनीक गणेश विर्सजन कुंडातील पाणी उपसण्यात आले. त्यातील गाळ काढण्यात आला. या मोहिमेत महिलांनीही चांगला सहभाग नोंदवला. महापालिकेतर्फे एक पोकलँन्ड, दोन जेसीबी, दोन डंपरच्या सहाय्याने रंकाळा तलावातील पाच डंपर गाळ व एक डंपर प्लॅस्टिक कचरा काढण्यात आला.

महापालिकेच्या विभागीय कार्यालय क्रं.४ ताराराणी चौकतर्फे उपशहर अभियंता हर्षजीत घाटगे यांच्या नेतृत्वाखाली कसबा बावडा येथील  डॉ. बाबासाहेब आंबेडकर उद्यानाची स्वच्छता करण्यात आली. या मोहिमेत  उद्यानविभाग व आरोग्यविभागाचे २० कर्मचारी तसेच तेथे फिरण्यासाठी आलेल्या नागरीक व निसर्गप्रेमींनी या मोहीमेत उत्स्फुर्तपणे सहभाग घेतला. या उद्यानातील १ डंपर कचरा उठाव करण्यात आला.   

यावेळी अतिरिक्त आयुक्त श्रीधर पाटणकर, उप-आयुक्त मंगेश शिंदे, सहाय्यक आयुक्त संजय सरनाईक, नगरसचीव दिवाकर कारंडे, शहर अभियंता नेत्रदिप सरनोबत, जल अभियंता सुरेश कुलकर्णी, उपशहर रचनाकार नारायण भोसले, वर्कशॉप प्रमुख सचिन जाधव, ७० कर्मचारी, आदी सहभागी झाले होते.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More