नोटबंदीमुळे दुकान उद्ध्वस्त झाल्यानेच राज ठाकरेंची मोदीवर टीका : फडणवीस

0 1

नाशिक (प्रतिनिधी) : नोटबंदीच्या निर्णयामुळे राज ठाकरे यांचे दुकान उद्ध्वस्त झाल्याने त्यांना मोदीद्वेषाने पछाडले आहे, अशी घणाघाती टीका मुख्यमंत्री देवेंद्र फडणवीस यांनी आज
(शनिवार) नाशिक येथील प्रचार सभेत केली. यावेळी त्यांनी शरद पवार, छगन भुजबळ यांच्यासह आघाडी सरकारवरही खरमरीत टीका केली.

फडणवीस म्हणाले की, नाशिक महापालिकेत मनसेची सत्ता असताना राज्य व केंद्रात भाजपाचे सरकार होते, याचा विसर त्यांना पडला. या सरकारने त्यांच्या विनंतीवरून पैसा पुरविला. त्यामुळे मनसेचे इंजिन नाशिकात सुरळीतपणे चालू शकले, असा खुलासाही त्यांनी केला.

नाशिकमध्ये ‘स्मार्ट सिटी’अंतर्गत सध्या २ हजार कोटींची कामे सुरू आहेत मात्र मोदीद्वेषाने डोळ्यांवर झापडे पडल्यामुळे ठाकरे यांना ती विकासकामे दिसणार नाहीत. जशी सायकल, मोटारसायकल भाडे तत्वावर मिळते, अगदी तसेच शरद पवार यांनी राज ठाकरेंचे ‘इंजिन’ भाड्याने घेतले असल्याचा टोला फडणवीस यांनी लगावला. 

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More