राज्यात सकाळी ११ पर्यंत २२ टक्के मतदान : कोल्हापुरात सर्वाधिक मतदान

0 1

मुंबई (प्रतिनिधी) : लोकसभेच्या तिसऱ्या टप्प्यातील मतदानास आज (मंगळवार) सकाळी उत्साहात प्रारंभ झाला. राज्यातील १४ जागांसह देशभरातील ११७ जागांसाठी आज मतदान होत आहे. राज्यातल्या १४ मतदारसंघात आज सकाळी ११ पर्यंत २१.९८ टक्के मतदान झाले आहे. कोल्हापूरमध्ये २५.४९ तर हातकणंगलेमध्ये २३.४५ टक्के मतदान झाले आहे.

बहुतांश मतदारांनी सकाळी लवकर मतदान केंद्रांवर जाऊन मतदान करणे पसंत केले. गुजरातच्या गांधीनगर लोकसभा मतदारसंघातून भाजपाध्यक्ष अमित शाह, केरळच्या वायनाडमधून काँग्रेस अध्यक्ष राहुल गांधी, उत्तर प्रदेशातील मैनपुरीतून समाजवादी पार्टीचे अध्यक्ष मुलायमसिंह यादव, तर गुलबर्गा मतदारसंघातून काँग्रेस नेते मल्लिकार्जुन खर्गे निवडणूक लढवत आहेत. या दिग्गज नेत्यांचं भवितव्य आज मतपेटीत कैद होणार आहे.

पंतप्रधान नरेंद्र मोदी यांनी आज सकाळी साडेआठच्या सुमारास अहमदाबादमध्ये मतदान केले. राज्यातल्या १४ लोकसभा मतदारसंघात आज मतदान होत आहे. पश्चिम महाराष्ट्र, कोकण, खानदेश आणि मराठवाड्यातले हे चौदा मतदारसंघ आहेत. आज सकाळी ११ पर्यंत पश्चिम महाराष्ट्रातल्या पुणे – १५.५०, बारामती – २१.३३, सातारा – २०.६७, सांगली – २०.०९,  कोल्हापूर – २५.४९, हातकणंगले – २३.४५, नगर – २०.२६, माढा – १९.६३, रायगड – २३.९४,  रत्नागिरी –सिंधुदुर्ग – २४.९६, जालना -२३.२८, औरंगाबाद – २०.९७, रावेर – २१.२४, जळगाव – २०. ३४ टक्के मतदान झाले आहे.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More