राज्यातील ७ मतदारसंघात आतापर्यंत १४ टक्के मतदान

0 2

मुंबई (प्रतिनिधी) : जगातील सर्वांत मोठी लोकशाही असलेल्या देशातील लोकसभेच्या पहिल्या टप्प्यातील मतदानाला आज (गुरुवार) मोठ्या उत्साहात सुरुवात झाली आहे. देशातील २० राज्यांतील ९१ जागांवर, चार राज्यांमध्ये विधानसभेची निवडणूक पार पडणार आहे. आजच्या मतदानात अनेक राजकीय दिग्गजांचं भवितव्य यंत्रबंद होणार आहे. विदर्भातील सात मतदारसंघात सकाळी ११ पर्यंत १३.७ टक्के मतदान झाले.

राज्यात विदर्भातील उपराजधानी नागपूर, रामटेक, गोंदिया-भंडारा, चंद्रपूर, यवतमाळ-वाशीम, गडचिरोली-चिमूर या सात मतदारसंघांमध्ये मतदान सुरु झाले आहे. नितीन गडकरी, हंसराज अहिर या केंद्रीय मंत्र्यांसह काँग्रेसचे माणिकराव ठाकरे, नाना पटोले, किशोर गजभिये, भावना गवळी यांसारख्या अनेक बड्या नेत्यांचं भवितव्य पणाला लागलं आहे. विदर्भात सकाळी ११ वाजेपर्यंत १३.७ टक्के मतदान झाले आहे.

तर आंध्र प्रदेश, अरुणाचल प्रदेश, मेघालय, उत्तराखंड, मिझोरम, नागालँड, सिक्किम आणि तेलंगणातील सर्व लोकसभा मतदारसंघातील जागांवर मतदान होत आहे. याव्यतिरिक्त उत्तर प्रदेशच्या आठ जागा, बिहारच्या चार जागा तर आसाम आणि महाराष्ट्रातील सात जागा, ओडिशातील चार जागा आणि पश्चिम बंगालच्या दोन जागांवर मतदान प्रक्रिया पार पडत आहे. अत्यंत कडक उन्हाळा असल्याने मतदानाची वेळ एक तासाने वाढविण्यात आली आहे. त्यामुळे मतदान सकाळी ७ ते सायंकाळी ५ ऐवजी ७ ते ६ या वेळेत पार पडणार आहे.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More