मोठ्या फरकाने पराभव अनपेक्षित, चुका सुधारू : ए. वाय. पाटील

0 3

कोल्हापूर (प्रतिनिधी) : लोकसभेच्या निवडणुकीचा निकाल पाहता देशात आणि राज्यात निवडणूकीवर विश्वासच राहिला नाही. कोल्हापूर जिल्ह्यातील निवडणूक अटीतटीची होईल असे वाटत होते. पण इतक्या मोठ्या फरकाने पराभव होईल असे वाटले नव्हते. या निवडणुकीचा बोध घेऊन विधानसभेला सर्व दुरुस्त करू, असे सांगत जिल्ह्यातील राष्ट्रवादीचे नेते आणि कार्यकर्ते मनापासून राबल्याचे राष्ट्रवादी काँग्रेसचे जिल्हाध्यक्ष ए. वाय. पाटील यांनी आज (शनिवार) पत्रकार परिषदेत स्पष्ट केले.

राष्ट्रवादीच्या जिल्हयातील पदाधिकाऱ्यांच्या बैठकीनंतर ए. वाय. पाटील यांनी लोकसभेच्या निकालातील मतदानाचा फरक अनपेक्षित असल्याचे सांगून ते म्हणाले की, या निवडणुकीचा बोध घेऊन आता आम्ही शहाणे झालो आहोत. विधानसभेला काँग्रेस – राष्ट्रवादी आघाडी जिल्ह्यात इतिहास करेल. प्रदेशाध्यक्षाकडे अहवाल देताना पराभवाची कारणे काय देणार असे विचारले असता पदाधिकाऱ्यांकडून माहिती आल्यानंतर जिल्हयातील नेते एकत्रीत चिंतन करणार आहेत तरीही आभाळच फाटले आहे. राज्यात आणि देशात तीच स्थिती आहे. इव्हीएम मशीनबद्दलही शंका आहेच असे त्यांनी सांगितले.

उपाध्यक्ष मानसिंगराव गायकवाड यांनी सांगितले की, हातकणंगले मतदारसंघात वंचित आघाडीचा काँग्रेस आघाडीला खरा फटका बसला.  जातीचे राजकारण, मोदी लाट ही देखील कारणे आहेतच . जिल्हयातील परिस्थितीबाबत निश्चितच चिंतनही करू आणि दुरुस्तीही करू असे स्पष्ट केले. यावेळी अनिल साळोखे, बाबूराव हजारे उपस्थित होते.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More