मुरगूडमध्ये विश्वकर्मा सुतार,लोहार समाजाचा वधू-वर मेळावा उत्साहात…

0 3

मुरगूड (प्रतिनिधी) :  कोल्हापूर जिल्ह्यातील विश्वकर्मा सुतार, लोहार समाजाचा पहिला वधू-वर सूचक मेळावा मुरगूड येथे उत्साहात झाला. जिल्ह्यातून सुमारे २७५  वधू-वरांनी या मेळाव्यात आपल्या नावांची नोंदणी केली. या मेळाव्याच्या निमित्ताने सुतार-लोहार समाजाची भक्कम एकजूट करण्याचा निर्धार व्यक्त करण्यात आला. मेळाव्याचे उद्घाटन नगराध्यक्ष राजेखान जमादार यांच्या हस्ते  झाले. उपनगराध्यक्ष नामदेवराव मेंडके व पालिकेचे पक्षप्रतोद जयसिंगराव भोसले यांनी प्रतिमापूजन केले.

नगराध्यक्ष जमादारांनी सुतार, लोहार समाजाच्या संघटनेमुळे अनेक वधू-वरांची विवाह कार्य सहजपणे पार पडतील, असे सांगितले. या मेळाव्यात हातकणंगले, करवीर, पलूस, चंदगड ,कागल, भुदरगड, राधानगरी या तालुक्यातील वधू-वरांनी सहभाग घेतला होता. मेळाव्याचे संयोजक प्रा. महादेव सुतारांनी सुतार-लोहार समाजाचे श्रद्धास्थान असणाऱ्या विश्वकर्मा यांचे मंदिर बांधण्याचा संकल्प व्यक्त केला.

या मेळाव्यास विश्वकर्मा सुतार लोहार समाजाचे जिल्हाध्यक्ष विजयराव लोहार, सुतार-लोहार समाज संघटनेचे जिल्हाध्यक्ष  अशोकराव सुतार,  शिवाजीराव सुतार, चिखली येथील संघटनेचे अध्यक्ष अजित लोहार,मुरगूड नगरपालिकेचे नगरसेवक, सुतार, लोहार समाजाचे कुटुंबिय सहभागी झाले होते.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More