मुख्यमंत्र्यांकडून काँग्रेस फोडण्याचा प्रयत्न : अशोक चव्हाण

0 6

मुंबई (प्रतिनिधी) : राज्यातल्या विधानसभा निवडणुकीच्या पार्श्वभूमीवर काँग्रेस फोडण्याचा प्रयत्न मुख्यमंत्री आणि भाजपातले इतर नेते करत आहेत. राष्ट्रवादी भाजपाला मदत करत असल्याचा आरोपही अशोक चव्हाण यांनी केला आहे. या आरोपांनी राजकीय वर्तुळात खळबळ उडाली आहे.

एकीकडे राधाकृष्ण विखे पाटील हे भाजपाच्या वाटेवर आहेत. त्यांचा मुलगा सुजय विखे पाटील यांनी भाजपात प्रवेश केला आणि अहमदनगरमधून ते भाजपाच्या तिकिटावर खासदारही झाले. त्यामुळे आता राधाकृष्ण विखे पाटील हेदेखील भाजपात जाणार हे नक्की झाले आहे. अशात मुख्यमंत्री देवेंद्र फडणवीस हे काँग्रेस फोडण्याचा प्रयत्न करत आहेत आणि मला भाजपात येण्यासाठी फोन करत आहेत असा खळबळजनक आरोप अशोक चव्हाण यांनी केला आहे.

विधानसभा निवडणुकीच्या वेळी काँग्रेस राष्ट्रवादीच्या आघाडीत बिघाडी होऊन दोन्ही पक्ष स्वबळावर लढणार का ? याबाबत तर्क लढवले जात आहेत. वंचित बहुजन आघाडीच्या प्रकाश आंबेडकरांना आम्ही सोबत घेण्यासंबंधी विचार करतो आहोत. त्याबाबत त्यांच्याशी चर्चाही करू. मात्र अंतिम निर्णय त्यांना घ्यायचा आहे असेही अशोक चव्हाण यांनी म्हटले आहे.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More