बाजारभोगावच्या उपसरपंचांवर अविश्वास ठराव

0 2

बाजारभोगाव (प्रतिनिधी) : बाजारभोगावचे उपसरपंच रोहन गुरव यांच्यावर सरपंच नितीन पाटील व इतर सात सदस्यांनी अविश्वास ठराव दाखल केला आहे. या संदर्भात पन्हाळा तहसीलदार यांनी सोमवारी (दि.३) ग्रामपंचायत सदस्यांची विशेष सभा आयोजित केली असल्याची माहिती बाजारभोगावचे सरपंच नितीन पाटील व युवराज पाटील यांनी दिली.

पन्हाळा पंचायत समिती निवडणुकीत अवघ्या एका मताने बाजारभोगावचे सरपंच नितीन पाटील यांचा पराभव झाला होता. त्यामुळे धनंजय महाडिकांचे समर्थक रोहन गुरव विरुद्ध जनसुराज्य पक्षाचे कट्टर नेते नितीन पाटील असा सामना ग्रामपंचायत निवडणुकीत पाहायला मिळाला. या निवडणुकीत नितीन पाटील यांनी सरपंचपद काबीज करून पंचायत समितीच्या निवडणुकीत झालेल्या पराभवाचा वचपा काढत रोहन गुरव गटाला धक्का दिला आहे.

बाजारभोगाव ग्रामपंचायत निवडणूक डिसेंबर २०१७ मध्ये घेण्यात आली होती. या ग्रामपंचायत निवडणुकीत जनसुराज्य पक्षाचे नितीन पाटील हे सरपंच म्हणून निवडून आले. जनसुराज्य पक्षाच्या गटाला सदस्य पदाच्या तीन जागा मिळाल्या आहेत. तर, काँग्रेसचे तालुकाध्यक्ष जयसिंग हिर्डेकर, राजाराम कारखान्याचे संचालक पांडुरंग पाटील व वैकुंठनाथ भोगावकर या तीन नेत्यांनी सहा जागा मिळवून आपली सत्ता अबाधित राखली आहे.

या आघाडीमार्फत उपसरपंचपदी रोहन गुरव यांची एका वर्षाच्या कालावधीसाठी निवड करण्यात आली होती. मात्र गुरव हे सरपंच व सदस्य यांना विश्वासात न घेता मनमानी कारभार करीत आहेत, गावच्या विकासात अडथळा निर्माण करण्याचे कार्य करत आहेत. गुरव यांची उपसरपंचपदाची मुदत संपली असतानाही  त्यांनी राजीनामा न दिल्याने त्यांच्यावर अविश्वास ठराव दाखल करण्यात आला आहे. या ठरावावर सरपंच व इतर नऊ सदस्य यांच्या सह्या आहेत. पुढील कार्यवाही ३ जून रोजी होणार असल्याची माहिती नितीन पाटील यांनी दिली.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More